Навбатдаги Galaxy Android 10'га ўтди

Навбатдаги Galaxy Android 10'га ўтди

Ўтган йилги Galaxy A30 ва 50s смартфонлари фойдаланувчилари аллақачон Android 10 «таъмидан баҳраманд бўл»аётган бир пайтда Galaxy A70'га ҳам янгиланиш кела бошлади. 

Samsung ушбу қурилмадан фойдаланаётган украиналик мижозларига One UI 2.0 прошивкасини жўнатишга киришди. Ҳар галгидек, келаси бир неча кун ва ҳафта ичида бошқа мамлакатлардаги фойдаланувчиларга ҳам тизим янгиланиши келади.

Янгиланиш ҳажми 2.06ГБ бўлиб, уни ўрнатишингиз билан қурилмангиз Android 10 асосидаги One UI 2.0 қобиғида ишлай бошлайди. Смартфоннинг хавфсизлик даражаси ҳам февраль ойигача кўтарилади. Samsung'дагиларнинг режаси бўйича, аслида, ушбу янгиланиш апрелда келиши керак эди, бироқ ушбу режанинг амалга оширилмагани фақат «плус». Эҳтимолки, тизим янгиланиши бутун дунёдаги барча мижозларга етиб боргунича апрель ҳам келиб қолар. 

Буларнинг ҳаммасини вақт кўрсатади, биз эса сизга тафсилотларни тақдим этиб борамиз.

ЎҚИНГ: Samsung Galaxy A71 ва A51 ҳақида яхши янгилик бор!

Сайтимизнинг энг чиройли расмларини Инстаграмдаги саҳифамизда томоша қилинг!