Nokia'нинг навбатдаги камерафони "жонли" суратларда

Sleashleaks ресурсида Nokia’га тегишли бўлган мавҳум смартфоннинннг жонли суратлари ва хусусиятлари акс этган суратлар пайдо бўлди. Ушбу қурилма асосий датчики 48 Мп бўлган учталик айлана камера модулидан иборат бўлган.

Ушбу айлана камера блоки орқа панел юқори қисмининг марказида жойлашган бўлиб, тўртинчи тирқиш фоточақноқ учун мўлжалланган.

Турли бўлимлар суратидан англаш мумкинки, ушбу смартфон яккакристалли тизимга асосланган Snapdragon 660 процессорига эга бўлган. Унинг дисплейи 2340 х 1080 пиксел аниқликда бўлиб, селфи-камера учун томчисимон кемтик кўзда тутилган.

Аккумулятор сиғими 3500 мА/соатни ташкил қилади. Дактилоскоп эса орқа панелдан ўрин олган.

Ушбу маълумотларнинг сизиб чиққанлигидан, янги қурилма тақдимоти тез орада ўтказилиши мумкинлигини тахмин қилиш мумкин.

ЎҚИНГ: Nokia'нинг 2000 долларлик смартфонини томоша қиламиз!