phone (1) жонли видеода кўрсатилди

phone (1) жонли видеода кўрсатилди

Nothing  компанияси тез орада ўзининг илк смартфонини тақдим қилади. Тақдимот санаси яқинлашар экан, кеча лондонлик компания ўз мухлисларига phone (1) дебют телефонининг тўлиқ орқа дизайнини кўрсатди. Худди, ўтган йилги ear (1) симсиз қулоқчинлари каби Nothing биринчи смартфони ҳам шаффоф дизайнга эга.

Das kann was номли YouTube канали Швейцарияда ўтказилган Nothing смартфони кўргазмасидан олинган видеони жойлади. Бўлиб ўтган тадбир давомида phone (1) ҳақидаги маълумотлар очиқланманган, шунингдек, ҳеч кимга смартфонни ушлаб кўриш насиб қилмаган, чунки у музейлардаги каби тўртбурчак шиша қути ичида бўлган. Бироқ, тадбирдан олинган видеолар телефонга кечаги суратлардан кўра яхшироқ қараш имконини беради.

Кўриш мумкинки, phone (1) орқа панели ажойиб, замонавий дизайнга эга ва у шаффоф ойна билан ёпилган. Намойиш давомида қурилманинг камера ва симсиз қувватланиш майдонини ўраб турган ва яна қўшимча икки чизиқ LED чироқлари билан ёниши маълум бўлди. Компания телефоннинг бу хусусиятига анчан бери ишора қилиб келаётган эди. Афсуски, смартфоннинг пастки "жағсиз" бўлиши айтилган олд томони ҳали ҳам кўрсатилгани йўқ.

Nothing ўзининг энг биринчи 100 та смартфонини StockX билан ҳамкорликда сотишини маълум қилди. Телефонлар 1 дан 100 гача бўлган сонлар билан сериаллаштирилиб, қурилманинг ўнг ён томон юқорисига унинг нечанчи эканлигини ёзиб қўйилади ва улар 21 июн куни Тошкент вақти билан 18:00 дан, 23 июннинг 17:59 гача очиқ бўладиган ауксионда сотилади.

ЎҚИНГ: Nothing ўзининг илк смартфони тўлиқ дизайнини кўрсатди!

Сайт янгиликларидан доимий хабардор бўлиш учун Телеграм каналимизга қўшилинг!