Nothing Phone 1 ва Samsung Galaxy А73 техник хусусиятларини солиштирамиз

Nothing Phone 1 ва Samsung Galaxy А73 техник хусусиятларини солиштирамиз

Бир неча кун олдин Nothing компанияси ўзининг илк смартфони, phone (1) ни тақдим қилди. Ушбу Android телефоннинг бошланғич нархи 475 доллар бўлиб, у Snapdragon ўрта даражали смартфонлар оиласига мансуб. Бироқ, лондонлик компания бу бозорда ягона ўйинчи эмас. Жанубий Кореянинг Samsung компанияси анчадан бери бу йўналишда етакчилик қилиб келади ва у ҳам жорий йилнинг март ойида ўзининг Galaxy А33, А53 ва А73 смартфонларини чиқарган эди. Улар орасида Galaxy А73 эса смартфони Phone 1 учун жиддий рақобатчи бўлиши мумкин. Хўш, уларнинг қайси бири яхши? Қуйида икки смартфоннинг техник хусусиятлари билан танишамиз. 

  Nothing Phone 1 Samsung Galaxy А73
Экран 6.55 дюйм, OLED, 120Hz  6.7 дюйм, Super AMOLED Plus, 120Hz
Танаси

159.2 х 75.8 х 8.3 мм, 193.5 г

шиша орқа панел ва алюминий рамка

163.7 х 76.1 х 7.6 мм, 181 г

пластик орқа панел ва рамка

Сув, чангдан ҳимоя IP53  IP67
OS Nothing OS (Android 12) One UI 4.1 (Android 12)
Чипсет Snapdragon 778G+ Snapdragon 778G
Оператив хотира 8/12GB 6/8GB
Доимий хотира 128/256GB 128/256GB
Батарея 4,500 mAh 5,000 mAh
Зарядланиш тезлиги 33W симли, 15W симсиз 25W симли
Орқа камера 50 MP (ф/1.9), PDAF, OIS
50 MP (ф/2.2) ултракенг
108 MP (ф/1.8) PDAF, OIS
12 MP (ф/2.2) ултракенг
5 MP (ф/2.4) макро
5 MP (ф/2.4) чуқурлик камераси
Видеога олиш (орқа камера)

4К - 30fps билан
1080p - 30/60fps билан
gyro-EIS ва жонли HDR

4К - 30fps билан
1080p - 30/60fps билан
gyro-EIS
Олд камера 16 MP (ф/2.5) 32 MP (ф/2.2)
Видеога олиши (олд камера) 1080p - 30fps билан 4К - 30fps билан
1080p - 30fps билан
microSD уяси  йўқ бор (SIM карта билан улашилади)
SIM карта уяси иккилик гибрид иккилик

Кўриш мумкинки, Nothing смартфони бироз яхшироқ чипсет билан тезкор зарядланишга эга бўлса ҳам, бошқа кўплаб техник хусусиятлар борасида Samsung телефони устунлик қилади. Лекин phone (1) да Galaxy А73 да топилмайдиган ноёб дизайн, ажойиб функциялар ҳам мавжуд. Унинг шаффоф орқа панели остидаги чизиқли LED чироқлари Glyph интерфейси деб номланади ва улар сизга қўнғироқ қилишаётганда рингтонга моманд тарзда ўчиб ёнади. Бундан ташқари, чироқларнинг бири смартфон зарядланиш бари сифатида ҳам хизмат қилади.  

Қисқаси, агар сиз смартфонларни уларнинг техник хусусиятларига қараб оладиган бўлсангиз, Galaxy А73 сизбоп бўлиши мумкин. Ёки агар сиз янгиликларга ўч ва қўлингизда ўзгача кўринишдаги смартфон кўришни хоҳласангиз Nothing Phone 1 айнан сиз учун.

ЎҚИНГ: realme GT2 Explorer Master модели тақдим этилди

Сайт янгиликларидан доимий хабардор бўлиш учун Телеграм каналимизга қўшилинг!