Nothing Phone 2 қайси Snapdragon 8 Gen чипсет билан чиқарилиши маълум бўлди

Nothing Phone 2 қайси Snapdragon 8 Gen чипсет билан чиқарилиши маълум бўлди

Барселонада бўлиб ўтган MWC 2023 тадбири давомида Nothing раҳбари Карл Пей ўзларининг янги авлод Phone смартфони Snapdragon 8 Gen сериясидаги чипсет билан жиҳозланишини, лекин айнан қайси модел эканлигини очиқламанган эди. Qualcomm раҳбари эса бу сирни ошкор қилиб қўйди.

Алекс Катузиан, Qualcomm компаниясининг катта вице-президенти ўзининг LinkedInсаҳифасида Nothing компаниясини ўзининг Phone 2 смартфонини ишлаб чиқаришда Snapdragon 8+ Gen 1 чипсетидан фойдаланиши билан табриклади.

Алекс ушбу хабарни дарҳол "Snapdragon 8 Gen сериясидаги чипсет"га ўзгартирган. Бироқ Интернет аҳолиси оригинал хабарни скриншот қилиб улгурган эди.

Гарчи бу энг охирги модел бўлмаса ҳам Snapdragon 8+ Gen 1 ўтган йилги Nothing Phone 1 смартфонининг Snapdragon 778G+ чипсетидан анча сезиларли самарадорлик таклиф қила олади.

Сайтимизнинг энг чиройли расмларини Инстаграмдаги саҳифамизда томоша қилинг!