Nothing янгилик қилишда давом этади

Nothing янгилик қилишда давом этади

Йилнинг энг шов-шувли смартфонини тақдим қилганидан кейин, Nothing ўзининг навбатдаги янги маҳсулотини тақдим қилишга тайёрланмоқда. Компания янги симсиз қулоқчинлар, Ear (stick) тизер суратларини улашди.

Ear (stick) компаниянинг Ear (1)'дан кейинги, иккинчи симсиз қулоқчинлари бўлиб, у илк бор Лондонда бўлиб ўтган SS23 мода фестивалида, Чет Ло подюмида намойиш қилинди.

Бозордаги бошқа қулоқчинлардан фарқли ўлароқ, Ear (stick) ўзининг силиндр шаклдаги қувватлагич кейси билан ажралиб туради.

Қўшма Штатлар учун Nothing PR менежери Люис Хопкинснинг маълум қилишича, Ear (stick) компаниянинг ҳозирги симсиз қулоқчинлари учун шунчаки янги кейс эмас. "Ear Stick бутунлай янги маҳсулот. Янги зарядловчи кейс ва янги қулоқчин" дейди у The Verge нашрига.

Nothing ўзининг навбатдаги симсиз қулоқчинларини ниҳоятда қулай ва қулоқлар учун мослаштирилган эканлигини айтиб, уларни "ажойибликда ноёб" ва "патдек енгил" дея таърифлайди.

Таъкидлаш жоизки, Ear Stick ҳақидаги биринчи миш-мишлар Phone 1 тақдим қилиниши арафасида тарқатилган янги қулоқчинлар силикон ёстиқчаларсиз чиқарилиши айтилган эди.

Nothing матбуот хабарига кўра, Ear Stick шу йил охирида чиқарилади. 

ЎҚИНГ: Apple октябрда янги қурилмаларни тақдим қилади

Хабарларни тез ва осон ўқиш учун Андроид иловамизни сақлаб олинг.