Олимлар коронавирус юққан смартфонни дезинфекциялаш йўлларини айтишди!
Глобал муаммога айланган коронавирус фақатгина ҳаво-томчи йўли орқали ёки вирус юқтирган киши билан контакт туфайлигина юқмас экан. Хитой Соғлиқни сақлаш миллий комиссиясидан маълум қилишларича, смартфон ҳам унинг ташувчиси бўлиши мумкин!
ЎҚИНГ: Хакерлар коронавирусдан фойдаланиб компьютерларга ҳужум қила бошлашди!
Мутахассисларнинг изоҳ беришларича, телефонлар корпусида ва, айниқса, смартфонлар дисплейида кўп миқдорда чанг, бактерия, сўлак ва бошқа вирус ташувчи моддалар тўпланади. Бундай қурилмани ишлатган одам қўллари билан ўзининг шиллиқ қаватли аъзоларига (лаблари, бурни ё кўзига) тегинса, вирус ўтиши мумкин.
Шу боисдан мутахассислар хитойликларга смартфонни дезинфекция қилиш йўлларини тавсия этишган. Коронавирус хавфи буткул бартараф бўлиши учун уни 56 даражали ҳароратда ярим соат мобайнида қолдириш керак экан. Бунда қурилманинг мазкур иссиқликда ишдан чиқиб қолмаслиги энди унинг моделига боғлиқ. Шунингдек, дезинфекция учун водород пероксиди, сирка кислотаси (уксусная кислота) ёки хлороформ билан яхшилаб артиш ҳам смартфонни коронавирусдан тозалайди.
ЎҚИНГ: Коронавирус қаерда қанчалик тарқалмоқда? Буни кўрсатувчи онлайн сервис ишга тушди!
Бундан ташқари, Цзилинь университети Биринчи шифохонаси умумий медицина бўлими бош врачи Инь Хунмэй яна бир йўлини айтган. Унга кўра, қурилмаларни коронавирусдан тозалаш учун 75 фоизлик спирт билан артса ҳам бўлар экан.
Юртдошларимизни ташвишга солиши мумкин бўлган масалалардан бири – AliExpress ёки бошқа онлайн савдо платформалари орқали сотиб олинган смартфон ё бошқа гаджетларда ҳам коронавирус юқиши эҳтимолидир. Биз бу борадаги батафсил жавобни мана бу мақоламизда берганмиз, яна AliExpress’нинг ўзи харидорларни бошқа масалада огоҳлантираётгани ҳақида ҳам ёзганмиз.
ЎҚИНГ: Хитойда коронавирус эпидемиясининг илк фойдаси намоён бўлди!
