Оммабоп Samsung смартфонига октябрь ойи дастур янгиланиши келишни бошлади

Оммабоп Samsung смартфонига октябрь ойи дастур янгиланиши келишни бошлади

Samsung компанияси ўзининг барча смартфонларига октябрь ҳавфсизлик патчини жўнатишни бошлаган эди. Ҳозирда Galaxy А50 смартфонига компания ушбу прошивкани жўнатмоқда.

Шуни таъкидлаш керакки, Galaxy А50 дастур янгиланишини қабул қилиб олаётган биринчи ўрта тоифадаги смартфон ҳисобланади. Samsung аввалроқ барча флагман смартфонларини ушбу дастур янгиланиши билан таъминлаб бўлган эди.

Прошивка модель рақами A505GUBS9CUI3 бўлиб, у фақат ҳавфсизлик патчини ўз ичига олади, яъни прошивка смартфонга ҳеч қандай янги функциялар қўшмайди.

Прошивка ҳозирда Жанубий Америка давлатларидаги А50 фойдаланувчиларига жўнатилмоқда. Кейинчалик, бошқа минтақалардаги фойдаланувчиларга ҳам дастур янгиланиши келишни бошлайди.

Сайт янгиликларидан доимий хабардор бўлиш учун Телеграм каналимизга қўшилинг!