One UI 2.0 ҳақида илк маълумотлар ошкор қилинди
Samsung кейинги ой дастурчилар конференциясини ўтказади. Унда компания дастурий таъминотга оид янгиликларини маълум қилади. Айнан мана шу конференцияда илк маротаба корейсларнинг янги интерфейси — One UI 2.0 билан танишамиз. Компаниянинг Android 10 учун режалари ҳам конференцияда ошкор қилиниши эҳтимоли бор.
Кутаётганингиздек, One UI 2.0 кўплаб янги хусусиятларга эга бўлади. Маълум бўлишича, мана шу функциялардан бири шуки, матн тераётганингизда смартфон тахминий эмоджиларни кўрсатиб туради. Бу кичик бўлса-да, Samsung Клавиатурасига қўшилувчи ажойиб функция бўлиши аниқ.
Тан олиш керакки, бу ўта катта янгилик бўлмайди. Матн тераётганингизда тахминий эмоджи кўрсатувчи бир қатор мессенжер ва иловалар бор. Осиёда машҳур корейс мессенжер иловаси KakoTalk (юклаш) битта мисол бўлса, Line (юклаш) бошқаси.
Бу функция аллақачон учинчи томон клавиатураларида ҳам мавжуд. Маҳаллий клавиатурага ҳам уни қўшиш билан фойдаланувчининг энди бошқа клавитуралар юклашига эҳтиёж камаяди деганидир.
Яқинда пайдо бўлган бир видеода Galaxy S10+ Android 10 ва One UI 2.0'да ишлаётганига гувоҳ бўлгандик. Роликда Android 10'нинг янги имо-ишора тизими кўрсатилган. Google бу тизим қурилмаларга ўрнатилишини ишлаб чиқарувчиларга мажбурий қилиб қўйган.
Барча маълумотни кейинги ой Сан Франсискода бўлиб ўтадиган SDC (Самсунг дастурчилар конференцияси) 2019'дан сўнг билиб оламиз.
ЎҚИНГ: Android 10 расман намойиш қилинди, унга янгиланувчи смартфонлар рўйхати билан танишинг!
