One UI 6 янгиланиши Galaxy'ларга узоқ кутилган функцияни беради

Samsung ўзининг Galaxy'лари учун One UI 5 янгиланишини ўзи тарқатишни бошлади. Эндиги навбат One UI 6 версиясига.

Хесон (Саллй) Жеонг, Samsung Electronics вице-президентининг Android Authority'га берган интервюсига кўра, Жанубий Корея компанияси навбатдаги One UI версияси билан янгиланишларни смартфонга узлуксиз ўрнатиш функциясини тақдим қилиш ниятида. Бунда смартфонга дастурий таъминот янгиланишлари орқа фонда, смартфондан фойдаланаётган вақтингизда ҳам ўрнатилаверади ва қурилмани бир марта тезкор ўчириб ёққанингиздан кейин у янги версияда бўлади.

Айтиш керакки, ҳозирда Galaxy смартфонлари дастурий таъминот янгиланишини ўрнатиш учун смартфонни ўчиқ ҳолда бўлишини талаб қилади, ёхуд янгиланиш ўрнатилаётган пайтда сиз смартфонингиздан 10-20 дақиқача фойдалана олмайсиз.

ЎҚИНГ: One UI 5 янгиланиши расман ушбу мамлакатларда тарқатилмоқда