Ортга назар: Samsung'нинг мустаҳкам ҳимояли смартфон ва планшетлари эволюцияси билан танишамиз!

Muhammad Yusuf
1230
24.12.2022 15:06

Смартфон ва планшетлар пайдо бўлганидан бери, Samsung компанияси уларни мустаҳкам ҳимоя билан таклиф қилиб келаётган ягона таниқли компания бўлиб келмоқда. Шу сабаб ҳам у бундай қурилмаларнинг бой тарихига эга. Қуйида компаниянинг ана шундай пишиқ қурилмалари эволюцияси билан танишамиз.

Galaxy XCover

Samsung компанияси 2011 йилнинг август ойида ўзининг илк бардошли смартфони – Galaxy XCover'ни тақдим қилган. Унинг 3.65 дюймли экрани Corning Gorilla Glass билан ҳимояланган ва у IP67 сертификатига эга бўлган. 100 грамм оғирликдаги қурилма Android 2.3 операцион тизимида ишлаган. Қизиғи шундаки, унда селфи камераси йўқ эди. Орқа томондаги асосий камераси эса 3.15 МП бўлган.

Galaxy XCover 2

Орада бир йил танаффусдан сўнг, Samsung 2013 йил мартида Galaxy XCover 2 смартфонини чиқарди. У компаниянинг селфи камерага эга бўлган илк мустаҳкам ҳимояли смартфони эди. У 4 ГБ доимий ва 1 ГБ оператив хотира билан Android 4.1.2 версиясига асосланган TouchWiz UI 5 операцион тизимда ишлаган. Унинг 5 МП асосий камераси 720p форматида видеога ола олган.

Galaxy Tab Active

2014 йилга келиб Samsung мустаҳкам ҳимояли қурилмалар борасида смартфонлардан ташқарига чиқишга қарор қилган ва декабр ойида ўзининг илк пишиқ планшети, Galaxy Tab Active'ни тақдим қилган. У Qualcomm'нинг 28 нанометрли Snapdragon 400 чипсетида 16ГБ доимий ва 1.5 ГБ RAM оператив хотира билан Android 4.4.2 версиясига асосланган TouchWiz UI'да ишлаган.

Galaxy XCover 3

Мустаҳкам ҳимояли планшет ишлаб чиқаришга киришиш билан Samsung бундай турдаги смартфонлардан воз кечмаган. 2015 йилда компания ўзининг илк созланадиган тугмага эга Galaxy XCover 3 смартфонини чиқарди. У 4,5 дюймли PLS LCD экран, Exynos 3475 чипсети, 8 ГБ доимий ва 1.5 ГБ оператив хотира билан жиҳозланган эди.

Galaxy XCover 4

Орадан икки йил ўтиб, 2017 йилда Samsung компанияси IP68 билан бирга MIL-STD-810G ҳимоя сертификатига эга бўлган янада мустаҳкамроқ смартфон – Galaxy XCover 4'ни сотувга чиқарди. У нафақат пишиқликда, балки техник хусусиятларда ҳам анча кучайган эди: 5 дюймли экран, Exynos 7570, 16 ГБ доимий, 2 ГБ оператив хотира, 13 МП асосий, 5 МП селфи камера ва 2800 мА/соат батареяга эга бўлган.

Galaxy Tab Active 2

Galaxy XCover 4 билан биргаликда ўша йили Samsung ўзининг иккинчи авлод Galaxy Tab Active планшетини янада мустаҳкам ҳимоя ва ишчанликка бой хусусиятлар билан чиқарган.

Galaxy XCover 4s

2019 йилда июл ойида Samsung ўзининг янги мустаҳкам ҳимояли смартфонини икки карра кучайтирилган ҳолда ёхуд 32 ГБ доимий хотира ва иккилик SIM-карта билан сотувга чиқарди.

Galaxy Active Pro

Ва шу йилнинг октабрида Жанубий Корея компанияси ўзининг илк мустаҳкам ҳимояли премиум планшетини тақдим қилди. Galaxy Tab Active Pro планшети 13МП асосий камера, 4ГБ оператив хотира ва 10.1 дюймли экранга эга бўлган. У компютер ишлаш каби тажрибани таклиф қила оладиган Samsung Dex, ҳамда, иловаларни битта босиш билан очиш имконини берадиган Active Key тугмаси, шунингдек, қўлқоп билан ҳам ишлаш олайдиган Touch Sensitivity хусусиятларига эга эди.

Galaxy XCover Pro

Пишиқ премиум планшетдан кейин 2020 йилда январида Samsung ана шундай смартфон, Galaxy XCover Pro, мустаҳкам ҳимояга эга премиум смартфонини тақдим қилди. У 6.3 дюймли экран ва унинг бурчагидаги юмалоқ тирқишда 1080p форматида селфи суратлар олиш имконини берадиган камера эга бўлган. Қолаверса, у янада тезкор зарядлаш ва бармоқ изи сканерига эга эди.

Galaxy Tab Active 3

Samsung ўзининг пишиқ планшетларини янада яхшилашда давом этди ва 2020 йил сентабрида Wi-Fi 6 технологиясини қўллаб-қувватлайдиган, ҳеч қандай батареясиз (қувватга уланган ҳолда) ишлай оладиган Galaxy Tab Active 3 планшетини чиқарди.

Galaxy XCover 5

Samsung яна орада 1 йил вақт ўтказишни хоҳламади ва 2021 йил март ойида ўзининг Galaxy XCover 5 смартфонини чиқарди. Қурилма XCover мухлислари кутган барча премиум хусусиятларга эга бўлиши билан бирга нархи ҳам ҳамёнбоп эди ва эҳтимол шу сабаб у компанияга катта фойда келтирди.

Galaxy XCover 6 Pro

Жорий йилнинг июл ойида оригинал Galaxy XCover экранидан (3.5 дюйм) деярли икки карра катта экранга бўлган Galaxy XCover 6 Pro (6.6 дюйм) тақдим қилинди. У орқа томонида 50 МП асосий камерага эга. Капоти остида Qualcomm Snapdragon 778G чипсетида жойлашган ва у ҳозирда Android 13'га асосланган One UI 5 версиясига янгиланган.