«Ўзавтосаноат» сайтига хакерлар ҳужум қилишди
31 май куни тунда номаълум хакерлар «Ўзавтосаноат» компаниясининг расмий uzautomotors.com сайтига ҳужум қилишди. Ҳужум сайтнинг вақтинча ишламай қолишига сабаб бўлди. Бу ҳақда компаниянинг Telegram-канали хабар берган.
ЎҚИНГ: Хакернинг онаси турмага кириб, барча компьютерларнинг ҳимоясини бузиб чиқди!
Хакерлар сайтнинг бош саҳифасида қуйидагича ёзув қолдиришган:
«Where is the Security! Please repair your website! If you don’t it will be hacked as this!»
(Қани хавфсизлик! Илтимос, веб-саҳифангизни таъмирланг. Агар бундай қилмасангиз, у яна шундай ҳужумга дуч келади!).
Компания мутахассислари сайтдаги бирорта файл ва саҳифага зарар етмаганини аниқладилар ва қисқа вақт ичида сайт қайта тикланди.
Ҳозирда компаниянинг веб-сайти яна аввалгидек ишлаяпти.
ЎҚИНГ: Хакерлар энг кўп қайси смартфонларни ва иловаларни «севадилар»?