Ўзбекистон Starlink иловасини юклаб олиш бўйича топ бешталикка кирди

Ўзбекистон Starlink иловасини юклаб олиш бўйича топ бешталикка кирди

Мамлакатимизда Илон Маскнинг Starlink сунъий йўлдош интернет хизмати ҳали бери ишга тушганича йўқ, лекин SensorTower берган маълумотларга асосланиб, PCMag нашрининг хабар беришича (Kapital.uz орқали), Ўзбекистон Starlink иловасини App Store ва Google Play Store'дан юклаб олиш бўйича топ беш мамлакатлар қаторига кирган.

Берилган маълумотларга кўра, Америка Қўшма Штатлари умумий юклаб олишларнинг 38 фоизи, ёхуд 889 минг кўрсаткич билан Starlink энг кўп юклаб олинган ҳудуд бўлиб турибди. Ундан кейинги ўринда эса Илон Маск Starlink бепул хизмат кўрсатишда давом этишини айтган Украина давлати бўлиб, мамлакатдаги юклаб олишлар сони 800,000 дан ортиқни ташкил қилади. Канада давлати 209,000 юклаб олишлар билан учинчи ўринни эгаллаган бўлса, тўртинчи ўринни австралияликлар 64 минг юклаб олишлар билан банд қилишган. Ҳали Starlink ишга тушмаган Ўзбекистонда эса унинг иловаси 42 мингдан ортиқ юклаб олинган ва у умумий юклаб олишлар сонининг 2 фоизини ташкил қилади.

Таъкидлаш жоизки, илова юклаб олиш учун бепул бўлиб, у билан сиз Starlink'ка буюртма беришингиз ёки мавжуд қурилмалар билан Starlink'ни ўрнатишингиз ва интернет тезлигини текшириб кўришингиз мумкин.

Эслатиб ўтамиз, Starlink харитасида Ўзбекистон 2023 йилда ишга туширилиши режалаштирганлиги кўрсатилган.

ЎҚИНГ: АКТ вазири Uztelecom'нинг "тошбақа" интернетини Starlink билан солиштириб, уларнинг таклифи 4-5 баравар тез ва арзон эканлигини иддао қилди

 
 
 
 
 
 
 
 
Сайтимизнинг энг чиройли расмларини Инстаграмдаги саҳифамизда томоша қилинг!