Ўзбекистонда Galaxy Z Fold/Flip4 нархи қанча ва қандай қилиб уларга олдиндан буюртма бериш мумкин?

Ўзбекистонда Galaxy Z Fold/Flip4 нархи қанча ва қандай қилиб уларга олдиндан буюртма бериш мумкин?

Бир неча кун олдин Samsung компанияси ўзининг янги авлод Galaxy Z Fold/Flip букламафонларини тақдим қилди. Гарчи янги қурилмалар ўзгармаган нархда тақдим қилинган бўлса ҳам, улар бироз қиммат, лекин сиз уларга олдиндан буюртма бериш орқали қимматбаҳо совғаларни қўлга киритишингиз мумкин: Galaxy Z Fold4 учун Galaxy Watch4 Classic ёхуд Galaxy Flip4 учун Galaxy Watch4.  

Букламафонларнинг Ўзбекистондаги нархи* қуйидагича:

  Galaxy Z Fold4 Galaxy Z Flip4
128 ГБ - 11.999.000 сўм
256 ГБ 20.999.000 сўм 12.999.000 сўм
512 ГБ 22.999.000 сўм -
Совға Galaxy Watch4 Classic Galaxy Watch4

*Нархлар samsung.uz сайтига кўра кўрсатилган бўлиб, Terabayt.Uz уларнинг тўғри бўлиб қолишига кафолат бермайди

Galaxy Z Fold4 букламафонига сиз кулранг-яшил, қора ва оч сариқ рангларида, Galaxy Z Flip4 букламафонига эса бинафшаранг, графит, ҳаворанг ва олтин рангларда буюртма беришингиз мумкин. 

Ўзингизга ёққан смартфон, унинг рангги ва хотира ҳажмини танлаганингиздан сўнг сиз ўз ҳудудингиздаги Samsung расмий дўкони ёки ритейллерларидан бирини ва дўкон манзилини белгилашингиз, кейин эса шахсий маълумотларингизни киритишингиз керак. Барча амаллар бажарилганидан кейин сиздан маҳсулот учун 1,000,000 сўм олдиндан тўлов қилиш сўралади. Шундан сўнг, 2 сентабр куни пулнинг қолганини тўлаб (агар муддатли тўловга олинаётган бўлса биринчи тўловни амалга оширгандан сўнг) телефонни совғаси билан биргаликда олишингиз мумкин.

Иккала букламафонлар ҳам 100% қайта ишласа бўладиган қутида ва унинг ичида букламафоннинг ўзи, икки томони USB-C кабел ва SIM карта учун калит билан келади. 

Олдиндан буюртма бериш учун samsung.uz сайтига ўтинг.

Эслатиб ўтамиз, Galaxy Z Flip4 букламафони S Pen'ни қўллаб-қувватламайди. Galaxy Z Fold4 эса S Pen билан ишлайверади, лекин у букламафон комплектига кирмайди, хоҳловчилар алоҳида сотиб олишлари мумкин. 

Букламафонлар учун олдиндан буюртма бериш 1 сентабргача амалга оширилади. Ундан кейин 2 сентабрдан бошлаб букламафонларни Samsung расмий ёки ҳамкор дўконларидан (совғаларсиз) тўғридан-тўғри сотиб олиш мумкин бўлади.

ЎҚИНГ: Galaxy А23 серияда яна бир янги смартфон тақдим этилади