Pixel'дан Pixel'гача: Google экотизими кенгаймоқда
Ҳар йили бўлиб ўтадиган Google'нинг I/O тадбирининг бу йилги сони ҳам ўз ниҳоясига етди ва унда компания анчадан бери миш-миш бўлиб келаётган Pixel қурилмаларини расман тақдим қилди.
Google Pixel 7 ва Pixel 7 Pro
:format(webp):no_upscale()/cdn.vox-cdn.com/uploads/chorus_asset/file/23453364/Pixel_7_and_Pixel_7_Pro_Family.jpg){kind=tracking}
Ҳа, Google ўзининг янги авлод Pixel смартфонларини тадбир давомида кўрсатиб ўтди. Бироз ўзгартирилган орқа панел ва ундаги камера кўриниши дизайнига эга Pixel 7 ва Pixel 7 Pro аввалгисидек икки ва уч камера билан шу йилнинг куз фаслида сотувга чиқарилади.
Google Pixel 6а
:format(webp):no_upscale()/cdn.vox-cdn.com/uploads/chorus_asset/file/23453812/2022_5_11_google_io_762_11_31_34.jpg)
Компаниянинг узоқ кутилган маҳсулотларидан бири бўлган ўрта даражадаги Pixel 6а ваниҳоят дунё юзини кўрди. Смартфон 6.1 дюймли 60Hz янгиланиш тезлигидаги дисплай билан таъминланган бўлиб, у орқа томонида иккита: 12MP ултра-кенг ва 12.2MP кенг камерага эга. Капот остида эса компанияни ўзининг Tensor чипи ўрнатилган ва қурилма 6GB оператив, 128GB доимий хотира билан 4,410 mAh сиғимли батареяда ишлайди. Ўтган йилгиси билан бир хил $449 нархдаги Pixel 6а учун олдиндан буюртма бериш 21 июлдан бошланади.
Google Pixel Watch
:format(webp):no_upscale()/cdn.vox-cdn.com/uploads/chorus_asset/file/23449170/Google_Pixel_Watch_1.png){kind=tracking}
Интернетда кўплаб муҳокамаларга сабаб бўлган Pixel Watch ақлли соатининг чиқарилиши ҳам расман эълон қилинди. Янгиланган Wear OS 3 версиясида ишлайдиган смарцоат шу йилнинг куз фаслида Pixel 7 билан чиқарилиши маълум қилинди, шундай экан унинг хусусиятлари ва нархи ҳақида ҳозирча батафсил маълумотлар берилгани йўқ.
Google Pixel Buds Pro
:format(webp):no_upscale()/cdn.vox-cdn.com/uploads/chorus_asset/file/23450454/PixelBudsPro.jpg){kind=tracking}
Тадбирда компания ўзининг энг олий даражадаги маҳсулотларидан бири бўлган Pixel Buds Pro ҳам тақдим қилинди. Фаол шовқинни бекор қилиш ва у билан фойдаланганда етти соатгача етадиган батареяга эга симсиз қулоқчинлар Pixel 6а билан биргаликда 21 июлдан $199 нархда сотувга чиқарилади.
Google Pixel Tablet?
:format(webp):no_upscale()/cdn.vox-cdn.com/uploads/chorus_asset/file/23453852/2022_5_11_google_io_848_11_33_52.jpg)
Тадбир давомида Google ўзининг Android билан ишлайдиган "премиум" планшетини ишлаб чиқариши маълум бўлди. Гарчи Pixel Tablet ҳақида ҳозирча унчалик кўп маълумотлар мавжуд бўлмасада, у Tensor чипи билан 2023-йилда чиқарилиши таҳмин қилинмоқда.
Google AR Glass
:format(webp):no_upscale()/cdn.vox-cdn.com/uploads/chorus_asset/file/23453905/Screen_Shot_2022_05_11_at_12.13.12_PM.png)
Тақдимот охирида компания ўзининг яна бир янги маҳсулоти, AR кўзойнокларини кўрсатиб ўтди. Қурилманинг асосий хусусиятларидан бири шундаки, у фойдаланувчига суҳбатдошининг сўзларини реал вақтда таржима қилиб, кўз олдига чиқариб бера олади. Бу худди дунё учун субтитрларга ўхшайди. Афсуски, унинг техник хусусиятлари ва қачон, қайси нархда чиқарилиши ҳақида ҳозирча маълумотлар мавжуд эмас.
Бу янги қурилмалар билан Google ҳам ўзининг ўзининг қурилмалар экотизимини яратмоқда десак муболаға бўлмайди.
ЎҚИНГ: Pixel 7 ва Pixel 7 Pro
