"Қария" компютерларни ёшартирадиган операцион тизим яратилди

Google Chrome OS Flex деб номланувчи янги операцион тизимни тақдим қилди. Корхона ва мактаблар учун мўлжалланган янги тизим эски компютерларни тез ва хавфсиз ишлаши учун чиқарилган. 

Компания Chrome OS Flex 13 йил олдинги компютерларга ҳам бир неча дақиқада ўрнатилиши ва узоқ йиллар давомида қурилмада барқарор ишлаши мумкинлиги айтди. Маълум бўлишича, янги операцион тизим Chrome OS каби ишлайди, чунки у бир хил код базасида ёзилган, бироқ, Chrome OS Flex Android иловалар ва Google Play Store'ни ва қурилма хусусиятига қараб Google Assistant функцияларини ҳам қўллаб-қувватламайди. 

Chrome OS Flex'дан ҳозироқ фойдаланиб кўрсангиз бўлади, лекин у ҳозирда тест жараёнида эканлигини ҳисобга олсак, тизим унчалик барқарор бўлмаслиги мумкин. Тизимдан фойдаланиш учун сизга USB флешка керак бўлади, қандай ўрнатиш ҳақидаги батафсил маълумотларни Chrome Enterprise сайтидан билиб олишингиз мумкин. 

ЎҚИНГ: Snapdragon 8 Gen1 чипи билан жиҳозланган Redmi K50 Gaming тақдим этилди