Қайси бирини олсам экан: iPhone SE 3 ёки iPhone 13 mini?
Apple ўтган ой бошида ўзининг ўрта тоифадаги iPhone SE смартфонинг янги авлодини тақдим қилди. Гарчи ўрта даражадаги смартфон бўлса ҳам iPhone SE 2022 ўтган йили тақдим қилинган iPhone 13 сериясидаги смартфонлар билан бир хил процессорга эга, 5G ни ҳам қўллаб-қувватлайди ва iOS 15 да ишлайди. Шунда савол туғилади: ўрта бюдежтли одамлар iPhone 13 нинг энг кичик варианти сотиб олишгани маъқулми ёки ўрта бюджетли iPhone SE улар учун идеал бўладими? Келинг уларни техник хусусиятларини солиштириб кўрамиз:
iPhone SE (2022) | iPhone 13 mini |
АЛОҚА | 5G, SIM, eSIM |
5G, иккилик SIM, eSIM |
ЎЛЧАМИ | 138.4 mm - 67.3 mm - 7.3 mm |
131.5 mm - 64.2 mm - 7.65 mm |
ОҒИРЛИГИ | 144 гр |
141 гр |
ЭКРАН | 4.7 дюйм, 1334x750 (HD+, Retina IPS LCD, HD | 5.4 дюйм, 2340x1080 (Full HD+), Super Retina XDR OLED |
ПРОЦЕССОР |
A15 Bionic chip |
A15 Bionic chip |
ХОТИРА | 4GB оператив, 64GB - 128GB - 256GB доимий | 4GB оператив, 128GB - 256GB - 512GB доимий |
ДАСТУРИЙ ТАъМИНОТИ | iOS 15 | iOS 15 |
ОРҚА КАМЕРА | 12MP (ƒ/1.8) | Иккита 12MP, кенг (ƒ/1.6) ва ултракенг (ƒ/2.4) |
ОЛД КАМЕРА | 7MP (ƒ/2.2) | 12MP (ƒ/2.2), SL 3D |
БАТАРЕЯ | 2018 mAh | 2438 mAh |
ҚУВВАТЛАНИШИ | 18W, симсиз Qi | 20W, 15W симсиз MagSafe, 7.5W симсиз Qi |
СУВ, ЧАНГГА ЧИДАМЛИЛИГИ | IP67 | IP68 |
ҚЎШИМЧА ХУСУСИЯТЛАРИ | Touch ID билан бармоқ изини аниқлаш технологияси | Face ID билан юзни аниқлаш технологияси |
НАРХЛАРИ (ЎЗБЕКИСТОН) | (4GB/128GB) 7.939.000 сўм | (4GB/128GB) 10.599.000 сўм |
Дизайнга келадиган бўлсак, бу борада iPhone 13 mini сўзсиз ғалаба қозонади, чунки у селфи камера тирқишини ҳисобга олмаса, чегарасиз тўлиқ экранга ва сўнгги замонавий дизайнга эга. iPhone SE 2022 эса беш йил аввалги iPhone 8 смартфони дизайни билан бир хил кўринишда, лекин шу билан бирга у премиум айфонларга қараганда сезиларли даражада ингичка ҳам.
Хулоса қиладиган бўлсак, агар сиз чўтакбоп нархдаги А15 чипида ишлайдиган, ингичка дизайндаги ва бармоқ изини аниқлаш технологиясига эга чўнтакбоп Apple қурилмасини излаб юрган бўлсангиз, iPhone SE 2022 сиз учун идеал смартфон бўла олади.
Агар сизга бироз қиммат бўлса ҳам, яхши камера, кўп вақтга етадиган батарея, юзни аниқлаш технологияси, сув чангга янада чидамли ва сўнгги дизайндаги 5G смартфон керак бўлса, iPhone 13 mini айнан сиз учун чиқарилган.