Қайси iPhone моделлари eSIM'ни қўллаб-қувватлайди? (рўйхат)

Қайси iPhone моделлари eSIM'ни қўллаб-қувватлайди? (рўйхат)

Бошқа Android смартфонларида бўлганидек, iPhone смартфонлари иккита жисмоний SIM-карта солиб бўлмайди. Агар сиз икки ёки учта SIM-карта эгаси бўлсангиз ва iPhone смартфон ишлатсангиз, қолган SIM-карталарингиз учун қўшимча телефон олишга шошилманг. 

Смартфонлар кундан-кунга ривожланиб бормоқда. Масалан, мавзумиз доирасида шуни айтиш керакки, Apple ўзининг илк смартфонларини мини SIM-карталар билан чиқарган бўлса, iPhone 4 ва iPhone 4S моделлари билан микро SIM-карталарга, iPhone 5 билан эса нано SIM-карталарга ўтган. Ундан кейин жисмоний SIM-карталар ўрнига электрон SIM-карталар пайдо бўлди ва купертинолик компания ўзининг iPhone ХS моделидан бошлаб уларни қўллаб-қувватлашни бошлади.

Электрон SIM-карта ёхуд қисқачасига eSIM оддий жисмоний SIM-карталарнинг рақамли яъни электрон кўринишиб, улар бир вақтда бир нечта операторлар билан уланишни қўллаб-қувватлаши, жисмонан мавжуд бўлмаганлиги сабаб ҳам смартфон ишлаб чиқарувчилари ҳам смартфон фойдаланувчилари қулайлиги билан борган сари оммалашиб бормоқда.

Шундай қилиб, бугунги кунда нафақат Apple, балки кўплаб Android смартфонларида eSIM қўллаб-қувватланиши мавжуд, лекин биз ҳозир қайси eSIM хусусияти мавжуд iPhone моделлари билан танишамиз:

iPhone 13 Pro Max иккилик eSIM + нано SIM
iPhone 13 Pro
iPhone 13
iPhone 13 mini
iPhone SE 2022 (учинчи авлод)
iPhone 12 Pro Max eSIM + нано SIM
iPhone 12 Pro
iPhone 12
iPhone 12 mini
iPhone SE 2020 (иккинчи авлод)
iPhone 11 Pro Max
iPhone 11 Pro
iPhone 11 
iPhone ХR 
iPhone ХS Max
iPhone ХS

Афсуски, iPhone Х смартфонлари рўйхатдан мавжуд эмас, яъни ушбу модел eSIM хусусиятига эга эмас. Apple ўзининг смартфонларида eSIM'ни қўллаб-қувватлашни iPhone Х давомчилари, iPhone ХS ва ХR моделларидан бошлаган. 

iPhone смартфонларида иккита SIM-картадан фойдаланиб бўлмайди деб ким айтди? Сиз iPhone ХS моделидан то iPhone 12 сериясидаги моделларгача ҳам eSIM, ҳам нано SIM-карталар билан иккита SIM-картадан, учинчи авлод iPhone SE моделидан бошлаб эса иккита eSIM ва нано SIM-карта билан учтагача SIM-картадан фойдаланишингиз мумкин.

Келажакда эса, Apple янги авлод iPhone моделлари: iPhone 14 ёки iPhone 15 билан жисмоний SIM-карталардан бутунлай воз кечиши, SIM-карта уясисиз, фақат eSIM қўллаб-қувватланадиган смартфонларини тақдим қилиши кутилмоқда.

Айтиш керакки, Ўзбекистонда MobiUz, Beeline Uzbekistan ва UzMobile алоқа операторлари eSIM билан уланиш хизматини тақдим қилишади.

ЎҚИНГ: Кузнинг биринчи кунида янги смартфон тақдим этилади

Сайтимизнинг энг чиройли расмларини Инстаграмдаги саҳифамизда томоша қилинг!