Qualcomm компанияси Snapdragon 6 Gen1 чипини тақдим этади
Qualcomm компанияси шу кунгача тўрт нанометрли жараён асосида яратилган Snapdragon 8 Gen1, Snapdragon 8+ Gen1 ва Snapdragon 7 Gen1 чипларини тақдим этган эди.
Инсайдер Эван Блесс берган маълумотларига кўра, Qualcomm энди Snapdragon 6 сериясида Snapdragon 6 Gen1 чипини тақдим этади.
Инсайдер Snapdragon 6 Gen1 чипининг тўлиқ техник кўрсаткичларини ошкор қилди. SM6450 модель рақамли ушбу чип 4нм жараён асосида яратилади. У 5G тармоғи ва Qualcomm'нинг Quick Charge 4+ технологиясини қўллаб-қувватлайди.
Snapdragon 6 Gen1 чипи 2.2 гигагертсли процессорга эга, аммо унда нечта ядро борлиги аниқ эмас. Чип 120 гертс, Full HD+ резолюциядаги дисплей ҳамда 108МП камераларини қўллаб-қувватлай олади.
Ушбу чипига эга смартфонлар эса 4K HDR видеоларни 30 та кадрда, секинлаштирувчи видеоларни эса 240 та кадрда олиши мумкин.
Qualcomm компанияси эса Snapdragon 6 Gen1 чипи тўгрисида ҳеч қандай маълумот бермади. Тахминанларга кўра, ушбу чип бу йилги Snapdragon Summit тадбирида 8 Gen2 флагман чипсети билан бирга тақдим этилади. Тақдимот Гавайида 15-17 ноябрь кунлари бўлиб ўтади.
