realme 95 долларлик смартфонни тақдим этди
realme C30 модели шу йилнинг июнь ойида тақдим этилган эди. Энди компания realme C30s моделини расман эълон қилди. Янги модель камера, экран ва интерфейс жиҳатидан аввалги моделга ўшаш бўлса, фарқли томони - C30s моделига янги чип ҳамда ён томонда жойлашган бармоқ изи сканери ўрнатилган.
Смартфон Unisoc CS9863A чипида ишлайди. Чипда саккизта Cortex-А55 CPU ядролари жойлашган бўлиб, улар иккита кластерга жойлашган. 1.6 гигагертсли тўртта ядро унумдорлик учун, 1.2 гигагертсли қолган тўрттаси эса самарадорлик учун жавоб беради. Хотиранинг 3/32 ҳамда 4/64ГБ турлари мавжуд.
realme C30 моделида бармоқ изи сканерини йўқ эди. C30s модели эса ушбу хусусиятга эга бўлди. Сенсор ён томондаги қувват тугмасидан ўрин олди. Олд томонда HD+ резолюциядаги 6.5 дюймли LCD дисплейи жойлашган. Унинг юқори қисмидан эса томчисимон шаклдаги 5МП селфи камера ўрин олган. Орқа панелда фақат битта 8МП асосий камера жойлашган.
Гаджет бюджет синфидаги смартфонлар учун мўлжалланган Android 12 Go операцион тизимига асосланган realme UI график қобиғида ишлайди. Унга 5,000 мАс сиғимли аккумулятор ўрнатилган бўлиб, у microUSB порти орқали қувват олади. Смартфонда 3.5 мм аудио жек ҳамда иккита SIM-карта ва битта microSD карта учун уя мавжуд.
реалме C30s модели қора ва кўк рангларда тақдим этилди. Унинг нархи қуйидагича:
3/32ГБ - 95 доллар
4/64ГБ - 113 доллар
Смартфон 23 сентябрда сотувга чиқади.
