realme GT 2 серияси тақдим этилди

realme GT 2 серияси тақдим этилди

realme компанияси кеча ўзининг янги GT 2 сериясини тақдим этди. Ушбу серия GT 2 ва GT 2 Pro смартфонларидан ташкил топган. 

ЎҚИНГ: Galaxy S21 FE тақдим этилди 

Pro модель Qualcomm'нинг энг сўнгги Snapdragon 8 Gen1 чипи билан жиҳозланган. Умумий олганда, иккала смартфонда ҳам янгиликлар етарлича. Даставвал, қурилмаларининг дизайнидан бошлаймиз. 

Иккита рангдаги GT 2 моделларининг орқа панели махсус полимердан ишланган бўлиб, уннинг юзаси худди қоғоз билан қопланганга ўхшайди. 

realme GT 2 Pro QHD+ резолюциядаги 6.7 дюймли ясси LTPO 2.0 AMOLED дисплейи билан жиҳозланган бўлиб, у 1-120Hz адаптив экран янгиланиш частотаси ва 1000Hz сенсорли намуна олиш частотасини қўллаб-қувватлайди. Янги дисплей аввалги AMOLED панелларга қараганда 50% гача камроқ қувват сарфлайди.  

Шунингдек, дисплей 10bit ранг ва HDR10+ сертификатлларига эга. Уни Gorilla Glass Victus шишаси ҳимоялаб туради. 

Қурилмаларнинг ички техник кўрсаткичларига тўхталадиган бўлсак, realme GT 2 модели Snapdragon 888 чипи, GT 2 Pro эса Snapdragon 8 Gen1 чипи билан жиҳозланган. Pro модель 12ГБ тезкор ва 512ГБ доимий хотирага эга. 

Иккала моделга ҳам асосий камера сифатида Sony компаниясининг 50МП IMX766 сенсори ўрнатилган. У оптик сурат барқарорлаштиргич функциясига эга. Pro моделга ультракенг камера сифатида эса Samsung компаниясининг 50МП JN1 сенсори ўрнатилган.

Учинчи камера микроскоп камера бўлиб, худди Oppo Find X3 Pro каби яқинда турган объектни 40 карра яқинлаштириш билан кўрсатиши мумкин. GT 2 моделига эса макро камера ўрнатилган. 

Иккала қурилма ҳам 65 ваттда қувват олувчи 5,000 мАс сиғимли аккумулятор билан жиҳозланган. Гаджетлар Android 12 операцион тизимига асосланган realme UI 3.0 график қобиғида ишлайди. 

GT 2 серияси Paper White, Paper Green, Steel Black ва Titanium Blue рангларда тақдим этилди. 

Уларнинг нархи қуйидагича: 

realme GT 2 (8/128ГБ) - 425 доллар

realme GT 2 (12/256ГБ) 503 доллар 

realme GT 2 Pro (8/128ГБ) 613 доллар

realme GT 2 Pro (12/512ГБ) 787 доллар 

Иккала модель Хитойда 8 январь санасидан сотила бошлайди. Уларнинг глобал версияси кейинроқ сотувга чиқарилади. 

ЎҚИНГ: Xiaomi 12, 12 Pro ва 12X смартфонлари тақдим этилди 

Сайтимизнинг энг чиройли расмларини Инстаграмдаги саҳифамизда томоша қилинг!