Realme X2 Pro ҳақида янги маълумот эълон қилинди
Бугун сал олдинроқ Realme компаниясининг шартномачи ҳамкори Snapdragon 855 Plus процессорида ишловчи Realme X2 Pro смартфони ҳақида маълумот эълон қилган эди. Шундан яна бир неча соат ўтиб, компаниянинг Маҳсулот бўйича директори ҳам Weibo'да буни скриншот билан тасдиқлади.
Постда "Миллий кун учун кичик совға: #X2Pro ни қарши олинг" дейилган. Постга бириктирилган скриншотдан кўриш мумкинки, қурилмада 60Hz ва 90Hz'лардан бирини танлаш имконини берувчи тугмача бор.
Бу Дерек Уангнинг смартфон дисплейи ҳақида биринчи марта маълумот бериши эмас. Ой бошида, жаноб Уанг Realme 90Hz частотали дисплейга эга смартфон устида ишлаётгани ва у OnePlus 7T'дан арзонроқ бўлиши ҳақида айтган эди. (Қизиғи, OnePlus, Oppo, Realme ва Vivo'ларнинг ҳаммаси BBK Electronics'га тегишли заводларда чиқарилади).
Weibo'да улашилган скриншот қора фонда. ColorOS 6 интерфейсида Қора режим бўладими ёки постда атайин шундай қилинганми-йўқми буниси ҳозирча қўронғилигича қолмоқда.
Realme охирги бир неча ойлардан буён ўзининг янги операцион тизими ҳақида гапириб келаётган эди. Компания бу операцион тизимни тайёрлаб бўлган бўлиши ҳам мумкин.
Агар Realme дисплей борасида OnePlus'нинг йўлини тутса, демак, Realme X2 Pro'нинг экрани Realme X2'нинг 6,4 дюймли дисплейидан анча такомиллашган бўлади. 64 мегапикселли асосий ва 32 мегапикселли селфи камераларда эса ҳеч қандай ўзгариш бўлмаслиги керак.
ЎҚИНГ: "Жамоа! Бригада! Бизга қўшил!": Xiaomi, Vivo, Oppo ва Realme бирлашишди!
