Redmi К60 сериясига илк назар: қатордаги смартфон расмий рендерда кўрсатилди

Redmi К60 сериясига илк назар: қатордаги смартфон расмий рендерда кўрсатилди

Xiaomi ўзининг Redmi бренди остидаги К серияси смартфонларининг янги авлоди – Redmi К60 моделларини тақдим қилишга тайёрланмоқда. Компания ўзининг расмий Weibo саҳифасида улардан бирининг тизер суратини улашди.

Айтиш керакки, постердаги расмда айнан қайси моделдаги Redmi К60 эканлиги маълум қилинмаган ёхуд бу К60E, К60 ёки К60 Pro бўлиши мумкин. Унда смартфоннинг нақшли орқа томонидаги тўртбурчак, ён томонлари қиялаштирилган камера оролида тасвирларни оптик барқарорлаштириш хусусиятига эга бўлган учлик камералар билан LED чироқни ўз ичига олганлигини кўришимиз мумкин. Қолаверса, сурат смартфон тепа қисмида микорофон, инфрақизил қурилма ва овоз кучайтиргич панжараси бўлишини тасдиқлайди.

Расмий маълумотларга кўра, Redmi К60 Pro модели мобил смартфонлар учун бугунги куннинг энг кучли чипсети бўлмиш Snapdragon 8 Gen 2 билан жиҳозланади ва у 16ГБ LPDDR5Х оператив, ҳамда, 512 ГБ UFS 4.0 хотиралари билан бирга ишлайди. Смартфон AnTuTu платформасида 1,35 миллиондан ортиқ балл қўлга киритган. Компаниянинг таъкидлашича, Pro модел шу даражада кучлики, у бор жойда алоҳида гейминг моделга ўрин йўқ. Шу сабаб Redmi расман К60 Gaming моделини бекор қилди.

Қолган моделларга келсак, Redmi К60 моделининг ўзи Snapdragon 8+ Gen 1, Redmi К60E эса MediaTek'нинг Dimensity 8200 чипига эга бўлади.

Redmi К60 серияси 27 декабр куни тақдим қилиниши кутилмоқда.

ЎҚИНГ: Tesla Apple қила олмаган ишни қилди!