Redmi Note 7 рекорд даражада арзонлашди!
Xiaomi компанияси июль ойининг охирида Redmi Note 7 смартфонининг нархини 203 доллардан 174 долларгача туширган эди. Энди смартфон Хитой бозорида янада арзонлашади.
Гап Redmi Note 7 смартфонининг 6/64 ГБ талқиндагиси ҳақида кетмоқда. 6 августдан бошлаб ушбу қурилмани компаниянинг Xiaomi Mall шахсий дўконларида 144 доллардан сотиб олиш мумкин бўлади.
Айтиш лозимки, Xiaomi янги смартфон намойишидан аввал Redmi Note 7 нархини арзонлаштиришга қарор қилган. 64 мегапикселлик камерага эга бўлган Redmi Note 8 эса эртагаёқ тақдим қилиниши ҳақида айтиб ўтган эдик. Бу хабарни компания раҳбари Лю Вейбинг ҳам тасдиқлаб ўтган. Ушбу модел 64 мегапикселли камерага эга дунёдаги илк смартфонга айланиши мумкин. Ёмон тарафларидан бири шуки, Redmi Note 8 линейканинг нарх чегарасини анча кўтариб юбориши кутилмоқда.
ЎҚИНГ: Redmi 7 Pro – кечагина тақдим этилган бақувват процессорли илк смартфонни августдаёқ кўрамиз!
