Samsung 2022 йил учун телефон ишлаб чиқаришни сезиларли даражада камайтирмоқда
Samsung дунёдаги энг катта смартфон ишлаб чиқарувчиси бўлса-да, глобал иқтисодиётнинг ёмонлашуви унга ҳам бирдек таъсир қилмоқда. Кореянинг Maeil Economic Daily нашрининг хабар беришича, Samsung 2022 йилда режалаштирганидан 30 миллион кам смартфон ишлаб чиқаради.
Маълум бўлишича, қисқартириш компаниянинг барча смартфонлар қаторига, энг бюджет телефонлардан флагманларгача таъсир қилади. Дастлаб, Samsung жорий йилда 310 миллион дона смартфон ишлаб чиқаришни режалаштираётган эди, эндиликда бу кўрсаткич 280 миллионгача камайтирилган.
Ўз смартфонлари ишлаб чиқарилишини камайтираётган компания фақатгина Samsung эмас. Жанубий Корея компаниясининг асосий рақиби Apple ҳам бу йил ўзининг iPhone SE қаторидаги смартфонларини 20 фоизга кам, шунингдек, флагма телефонларини эса ўтган йилгидек ўзгармас миқдорда, 220 миллионта ишлаб чиқарилиши олдин хабар қилиган эди.
Компанияларнинг ушбу қадамни қўйишларига сабаб деярли бир хил: бозорлардаги инфлациянинг кўтарилиши, давом этаётган чип танқислиги ва Россия-Украина ўртасидаги воқеалар.
ЎҚИНГ: Samsung янги ўлчамлар билан Z Fold4'нинг ташқи экранидан фойдаланишни осонлаштирмоқчи
