Samsung Apple'га ёрдам бермоқчи

Samsung Apple'га ёрдам бермоқчи

Apple компанияси MacBook, Mac ва iPad қурилмларига M1 Silicon чипларини ўрнатиши ҳаммага маълум. М1 чиплари қисмларини етказиб беришда Apple'га ёрдам берган компания катта молиявий фойда кўриши мумкин. 

Samsung Apple учун ана шундай етказиб берувчилардан бири бўлиши мумкин. Сабаби Samsung замонавий юқори зичликдаги чиплар учун муҳим бўлган FC-BGA субстратларини ишлаб чиқаради. Табиийки, кореялик техногигант M2 чипини ишлаб чиқаришда ҳам иштирок этишни хоҳлайди. 

Samsung Electro-Mechanics Apple билан янги M2 чипи учун керак бўладиган бир хил FC-BGA субстратларини ишлаб чиқариш бўйича келишувга эришишга жуда яқин. Samsung яқинда Ветнамдаги FC-BGA ишлаб чиқариш заводни қуриш учун 1 миллиард доллардан ортиқ сармоя киритган. Бундан ташқари, компания Жанубий Кореяда мавжуд бўлган заводга 241 миллион доллардан ортиқ сармоя киритди. 

ЎҚИНГ: Galaxy Watch 5 сериясида Classic моделни кўрмасангиз ҳайрон бўлманг!