Samsung энди Xiaomi билан беллаша олади: Galaxy M смартфонлари кутилганидан ҳам арзон экан!
Жанубий кореялик техногигант ҳамёнбоп Galaxy M туркумидаги смартфонларининг намойиш кунини расман эълон қилган. Уларнинг айрим хусусиятлари ҳам ҳозирданоқ маълум, нархи борасида ҳам маълумотлар чиққан.
ЎҚИНГ: Шу ойдаёқ сотувга чиқаётган Galaxy M10, M20 ва М30 нархларини Samsung расман эълон қилди!
Бундан бир неча кун аввал Galaxy M10, M20 ва M30 смартфонларининг нархлари 142-284 доллари орасида бўлиши айтилган эди. Аммо инсайдерлар берган янги хабарларга кўра, ушбу туркум девайслари ундан ҳам арзонроққа нархланар экан!
Хусусан, ушбу туркумдаги «энг кичик» – Galaxy M10 моделининг нархлари 112 доллардан бошланади, бошланғич конфигурацияли Galaxy M20 смартфонини эса 155 долларга олиш мумкин бўлади. Тағин, уларнинг техник хусусиятлари бу нарх доирасидаги анча-мунча смартфонлардан устун.
Шу тариқа, Samsung ўзининг Galaxy M туркуми орқали Xiaomi, Huawei ва бошқа Хитой смартфонсозларининг арзон моделлари билан рақобатга кириша олади.
ЎҚИНГ: Galaxy A60 – «тешик» дисплейли нисбатан арзон смартфонни апрелда кўрамиз!