Samsung Galaxy A52 5G Geekbench'да пайдо бўлди

Samsung Galaxy A52 5G Geekbench'да пайдо бўлди

2019 йил декабрь ойида тақдим қилинган Samsung Galaxy A51 смартфони 2020 йилнинг энг оммабоп смартфонларидан бўлди. Samsung жорий йилнинг апрель ойида смартфоннинг 5G версиясини ҳам тақдим қилган.

Энди эса, Qualcomm'нинг Snapdragon 750G чипида ишловчи ва 6ГБ тезкор хотирага эга Samsung Galaxy A52 5G ҳақида илк йирик маълумотга эга бўлдик.

Geekbench бенчмаркида синовдан ўтказилган қурилманинг SM-A526B модель рақамига эга эканини ва якка ядро синовда 298, бир неча ядро синовида эса 1,001 балл тўплаганини кўриш мумкин. Таъкидлаш керакки, бу ҳар икки кўрсаткич Galaxy A51 5G'никидан сезиларли даражада паст. Galaxy A51 5G якка ядро синовида 700, бир неча ядро синовида эса 1,800 балл йиғганди. Аммо шуни ҳам унутмаслик керакки, ҳозирда биз кўриб турган A52 оммавий ишлаб чиқаришдан олдинги модель бўлиши эҳтимоли бор.

Geekbench натижалар ойнасида Galaxy A52 5G модели Android 11'да ишлаши кўрсатилган.

ЎҚИНГ: Galaxy A72 – пентакамерали илк Samsung смартфони