Samsung Galaxy A52s 5G смартфони чиқди

Samsung Galaxy A52s 5G смартфони чиқди

Samsung шу йилнинг бошида Galaxy A52 5G смартфонини тақдим этган эди. Энди эса компания унинг янгиланган модели A52s 5G смартфонининг савдосини бошламоқчи.

ЎҚИНГ: «Бели бақувват» Galaxy A03s кутилганидан паст нархда чиқяпти!

Galaxy A52 5G смартфонига қараганда A52s 5G кучлироқ бўлган Snapdragon 778G чипи билан жиҳозланган. У билан биргаликда эса Adreno 619 график процессори ишлайди. Шунингдек, A52s'нинг қутисидан 25 ваттлик қувватлагич ўрин олган. А52 5G ҳам 25 ваттлик қувватлаш технологиясини қўллаб-қувватласа-да, унинг қутисида 15 ваттлик қуввталагич бўлар эди.

Смартфон хотира турлари ўзгармаган. Унинг 6/128ГБ, 8/128ГБ, 8/256ГБ хотира турлари мавжуд.

Аккумулятор сиғими эса ўзгармаган 4,500 мАс. Samsung'нинг такидлашича смартфон ўртача даражада ишлатилса, у тўлиқ қувват билан икки кун ишлаб бериши мумкин.

Дисплейнинг ўлчамлари ҳамда техник кўрсаткичлари ҳам ўзгармаган. Яъни Galaxy A52s 5G 6.5 дюймли Super AMOLED дисплейига эга бўлиб, ушбу дисплей 120Hz экран янгиланиш частотаси ҳамда 1080p+ резолюцияни қўллаб-қувватлайди. Смартфон дисплейининг юқорисида 32МП селфи камера жойлашган.

Орқа панелдаги камералар модулида тўрта камера бўлиб, улар 64МП асосий камера, 12МП ультракенг камера, 5МП макро камера ҳамда 5МП сатҳ камерадан иборат. Бундан маълум бўлиб турибдики, смартфоннинг камералари ҳам ўзгаришсиз қолган.

Қурилмада сув ва чангдан ҳимоя - IP67 стандарти мавжуд.

Galaxy A52s 5G смартфони 3 сентябрда сотувга чиқади. Олдиндан буюртма бериш эса 24 августдан бошланади. Смартфоннинг 6/128ГБ хотира турининг нархи 410 еврони ташкил қилади.

ЎҚИНГ: 11 августда Samsung тақдим этган барча гаджетлар олтита расмий видеода!