Samsung Galaxy A53 5G'нинг аккумулятор сиғими ҳамда неча ваттда қувват олиши маълум бўлди

Samsung Galaxy A53 5G'нинг аккумулятор сиғими ҳамда неча ваттда қувват олиши маълум бўлди

Бир неча ойдан буён Galaxy А53 5G смартфонига оид кўплаб янги миш-мишлар тарқалмоқда. Компания расмий маълумот билан чиқмас экан, ушбу норасмий маълумотлар тарқалишни давом этади. 

Кеча қурилма NBTC ҳамда FCC томонидан сертификатланди. Ушбу жараёнда қурилма 25 ваттлик қувватлагич билан сотилиши маълум бўлди. 

Бироқ Samsung экологияга ҳақида ўйлаётганлиги учун S серияси флагманлари каби A53 5G'ни ҳам қувватлагичсиз сотиши мумкин. 

Сертификатлаш жараёни смартфон SM-A536E/DS (DS - dual-SIM, яъни иккиталик SIM-карта маъносини англатади) модель рақамида эканлиги ҳақида маълумот берди. 

Аввалги маълумотларга ишонадиган бўлсак, Galaxy A53 модели 120Hz янгиланиш частотасида ишловчи 6.46 дюймли FullHD+ AMOLED дисплейи, Exynos 1200 чипи, 25 ваттда қувват олувчи 5,000 мАс сиғимли аккумуляторга эга бўлади. 

Шунингдек, смартфонга 64МП асосий камера, 12МП ультракенг камера ҳамда қўшимча яна иккита камера ўрнатилади. 

ЎҚИНГ: Samsung Galaxy S22 Ultra биринчи марта расмий тасвирларда намойиш этилди

Сайт янгиликларидан доимий хабардор бўлиш учун Телеграм каналимизга қўшилинг!