Samsung Galaxy A7 (2017) корпуси сув киришидан ҳимояланиши мумкин

Samsung Galaxy A7 (2017) корпуси сув киришидан ҳимояланиши мумкин

Бундан бир неча ҳафта илгари янги авлод Samsung Galaxy A7 (2017) смартфонининг Antutu бенчмаркидан эълон қилинган техник параметрлари ҳақида сайтимизда хабар берган эдик. Кеча Phonearena нашрида пайдо бўлган хабарда ёзилишича, бест-селлар смартфоннинг 2017 йил версияси худди Galaxy S7 сингари сув киришидан ҳимояланиши мумкин.

Агар ушбу хабар амалда тасдиқланса, Samsung Galaxy A7 (2017) модели S, Note ва Xcover сериясидан ташқари сувдан ҳимояланган биринчи ўрта сегментга мўлжалланган Samsung смартфони бўлади.

Эслатиб ўтамиз, бенчмаркларда аввалроқ пайдо бўлган ахборотларга қараганда, Galaxy A7 (2017) Mali T830 график адаптерига эга бўлган Exynos 7870 процессори, аниқлиги 16 МП бўлган асосий ва олд камера, Full HD аниқлигидаги 5,5 дюймли Super AMOLED экран билан жиҳозланади.

Тақдимот санаси ҳозирча маълум қилинмаган.

Сайтимизнинг энг чиройли расмларини Инстаграмдаги саҳифамизда томоша қилинг!