Samsung Galaxy A9 фаблети декабрда савдога чиқади

Samsung Galaxy A9 фаблети декабрда савдога чиқади

Samsung компаниясининг Эрондаги расмий интернет-магазинида Galaxy A9 фаблетининг техник тавсифи ва сотилиш муддати эълон қилинди, деб хабар беради Phonearena.

Samsung Galaxy A9 фаблети Adreno 510 график тезлатгичга эга саккиз ядроли Qualcomm Snapdragon 620 чипсети базасида қурилган. Phonarena ёзилишича, мазкур чипсет 4K ўлчамли видеофайлларни “ўқийди”.

Тавсиф

Фаблет 5,5-дюйм Super AMOLED экранга эга бўлиб, кўрсатиш қобилияти 1920×1080 нуқта ва пиксель зичлиги 401 ppi. Тезкор хотира ҳажми 3 ГБ бўлса, ўрнатма хотира – 32 ГБ ва уни microSD кўмаги билан 128 ГБгача ошириш мумкин. Асосий камера 16 мегапиксель, фронталь камера – 5 мегапиксель.

Samsung Galaxy A9 аккумулятори ҳақида маълумот йўқ. Аппарат Android 5.1.1. операцион тизимида ишлайди.