Samsung Galaxy Book Pro 2 360 ноутбукининг рендерлари эълон қилинди
Samsung Барселонада бўлиб ўтадиган халқаро MWC тадбирида ўзининг янги ноутбукларини тақдим этади. Ҳозирча компания бу тўғрисида ҳеч қандай маълумот бергани йўқ.
Норасмий манбалар эса янги ноутбукнинг рендерларини яратишди.
Юқоридаги суратда Galaxy Book Pro 2 360 ноутбуки тасвирланган бўлиб, у ўтган йилги Galaxy Book Pro 360'нинг янги авлоди ҳисобланади. Таққослаш учун, эски моделнинг суратини ҳам кўришингиз мумкин.
Ташқи кўринишидан ноутбук дизайнида катта ўзгариш бўлмаган. Бироқ қурилма ичига янги процессорлар ўрнатилади. Samsung компанияси Microsoft билан ҳамкорликни ривожлантирмоқда. Янги ноутбук Windows 11 ҳамда One UI Book 4 интерфейсида ишлайди.
Суратда 15.6 дюймли ноутбук тасвирланган. Шунингдек, унинг 13.3 дюймли версияси ҳам бўлади. Катта модель учта USB-C ва битта 3.5 мм аудио жек, шунингдек, microSD уясига эга бўлади.
Номидан айтиб турибдики, ноутбук экрани 360° градусга қайрила олади ва уни планшет сифатида ишлатиш мумкин. Шубҳасиз, экран стилусни ҳам қўллаб-қувватлайди.
Инсайдер берган маълумотларга кўра, қурилма Burgundy Red рангида бўлади. Бу ўтган йилги моделнинг Mystic Bronze рангли турига ўхшайди. Galaxy Book Pro 2 360 ноутбукининг расмий тақдимоти 27 февралда бўлиб ўтади.
ЎҚИНГ: Букланаувчи iPhone кутиб туради, Apple тўлиқ экранли MacBook чиқармоқчи
