Samsung Galaxy S22'лар эртароқ тақдим қилиниши мумкин

Samsung Galaxy S22'лар эртароқ тақдим қилиниши мумкин

Samsung компанияси Galaxy S22 линейкасини март ойида эмас, балки Mobile World Congress'дан олдин – январь ойида тақдим қилиши мумкин. Бу ҳақда The Elec нашрига таяниб, iGuides.ru сайти хабар бермоқда.

ЎҚИНГ: Samsung Galaxy S22 серияси смартфонларининг камера имкониятлари, дисплей ўлчамлари ҳамда аккумулятор сиғими қанча бўлиши маълум бўлди

Бу йилги Galaxy S21'лар тақдимоти аввалига кечиктирилган эди. The Elec'нинг ёзишича, бу ўзгариш вақтинчалик бўлмаслиги мумкин. Корейслар навбатдаги флагманларни эндиликда ҳар доим йилнинг биринчи ойида намойиш қилишлари мумкин.

S22'ларни оммавий ишлаб чиқариш жорий йилнинг ноябридан бошланади. Шундай қилиб, компания тақдимотга қадар бир партия флагманни тайёрлаб қўйган бўлади.

S22 флагманларининг асосий янгилиги фақатгина Ultra моделига эмас, балки учала моделга ҳам перископ камера жорий қилиниши бўлади. Бу билан, янги смартфонлар бозордаги энг яхши камерафон номига даъвогарлик қила олади.

ЎҚИНГ: Galaxy S22'нинг камераси борасидаги маълумотлар сиздирилди. Samsung ижобий ўзгариш қилмоқда