Samsung Gear S3 тақдим этилади
Samsung томонидан бугун чиқарилган тасвирга қараганда, Gear S3 смарт-соати яқинлашиб келаётган IFA 2016 кўргазмаси доирасида 31-август куни тақдим этилади.
Gear S3 аввалги Gear туркумидаги смарт-соатлар сингари Tizen операцион тизимида ишлайди. Samsung ўтган йили тақдим қилган Gear S2 смарт-соати ўзининг кўркам дизайни, қулай интерфейси билан ушбу саноатдаги энг илғор аксессуарлардан бирига айланганди.
Ҳозирча янги Gear S3 моделига тегишли техник кўрсаткичлар маълум қилинмаган. Аммо шуни тахмин қилиш мумкинки, у ўтмишдоши каби доирасимон дизайн ва циферблат атрофидаги айланма безелга эга бўлиши мумкин. Смарт-соат Gear S3 Classic, Gear S3 Frontier ва Gear S3 Explorer версияларида ишлаб чиқарилиши кутилмоқда.
