Samsung iOS 16 нинг яна бир функсиясини кўчириб олган(ми?)

Samsung iOS 16 нинг яна бир функсиясини кўчириб олган(ми?)

Samsung ўзининг Galaxy S23 смартфонларини One UI 5.1 версияси билан тақдим қилди. Android 13 га асосланган One UI операцион тизимининг янги версияси бир қанча афзалликларга эга ва улардан бири суратдаги обектларни ажратиб олиш имконини беради.

Ҳа, энди сиз One UI 5.1 билан келадиган Galaxy S23 смартфонларида суратлардаги обектларни орқа фонни қолдирган ҳолда қирқиб олишингиз мумкин, худди Apple'нинг iOS 16 тизимида бўлгани каби.

GIF: 9To5Google

Функция автоматик равишда ёқилган бўлади. Ундан фойдаланиш учун Samsung Gallery иловасини очинг. Исталган суратдаги обектни бир неча сония босиб турсангиз ажойиб анимация билан обект суратдан ажралиб чиққанини сезасиз. Сиз ундан нусха олишингиз ёки улашишингиз ёки уни сурат сифатида сақлаб олишингиз мумкин. Худди iPhone'да бўлгани каби қирқиб олинган обектнинг орқа фони шаффоф ҳолатда бўлади.

Айтиш керакки, бу функцияни видеолар учун ҳам қўллаш мумкин, фақат бунда видео пауза қилинган бўлиши керак.

Маълум бўлишича, бу функция Galaxy S23 смартфонлари учун эксклюзив ҳисобланади. Samsung кечадан бошлаб ўзининг бошқа Galaxy смартфонлари ёхуд Galaxy S22, S21 ва S20 серияси, ҳамда, сўнгги авлод Galaxy буклафонларига One UI 5.1 янгиланишини тарқатишни бошланган. Уни қабул қилган айрим Reddit фойдаланувчилари янги версияда суратдан обектларни қирқиб олиш функцияси мавжуд эмаслигини таъкидлашмоқда.

ЎҚИНГ: Meizu смартфонлар бозорига қайтмоқда!