Samsung смартфонлари, планшетлари ва телевизорларига чегирма, яна совғалари ҳам бор!

  •   DiMaX
  •  2602
  •  16.05.2020 14:54

Samsung смартфонлари, планшетлари ва телевизорларига чегирма, яна совғалари ҳам бор!

Россиядаги расмий Samsung онлайн дўкони чегирмалар ва совғаларни ўз ичига олувчи бир нечта акцияларини эълон қилди. Улар доирасида компаниянинг айрим русумлардаги планшетлари, телевизор ва флагман смартфонларини қулай шартлар асосида харид қилиш мумкин.

ЎҚИНГ: Galaxy A21s тақдим этилди – Android 10 тизимли автономлик монстри!

16–17 май кунлари телевизорларга катта чегирмалар эълон қилинган. Масалан, RU7200 Series 7 русумли, диагоналига 65 дюймлик 4K-телевизор одатдаги 80 990 рубль ўрнига 49 990 рублга таклиф қилинмоқда.

Шунингдек, дам олиш кунлари SUNDAYSALE промокоди асосида айрим қурилмаларга 20 фоизлик чегирма мавжуд: Galaxy Note 10, Galaxy S10, Galaxy S10 Lite ва Galaxy Note 10 Lite смартфонлари, Galaxy A туркумидаги қурилмалар, планшетлар, Galaxy Watch Active 2 ва бошқа «ақлли» соатлар, яна симсиз қулоқчинлар. Энг янги – Galaxy S20 туркумидаги флагманларга эса бу промокод бўйича 10 фоизлик чегирма белгиланган.

ЎҚИНГ: Galaxy M51 ва Galaxy M31s арзон смартфонлари ҳам флагманча хусусиятга эга бўляпти

«Янада кўпроқ совғалар» акцияси доирасида эса айрим товарлар харидида ҳадя қўшиб бериляпти. Galaxy S20 туркумидан бирор смартфон олганларга Galaxy Watch Active смарт-соати (алоҳида ҳолида 16 990 рубллик), шунингдек, ярим йиллик Yandex.Plus ҳамда тўрт ойлик Youtube Premium обунаси тақдим этилади. Note 10 Lite ёки S10 Lite харидида Samsung Galaxy Buds симсиз қулоқчини ва Яндекс.Плюс обунаси, Note 10 олганда Galaxy Watch Active ҳамда Яндекс.Плюс обунаси, Galaxy A71 харидида эса – повербанк ва Яндекс.Плюс обунасига эга бўласиз. Телевизор харид қилиб эса иккинчи телевизорни ёки саундбарни олиш мумкин бўлади.

Булардан ташқари, Galaxy Tab S6 ёки Tab S5e планшетларини 31 майгача олганларга 9 990 рубллик Samsung Galaxy Buds қулоқчини туҳфа этилади.

Демак, ҳозирда Россияда бўлиб турган мухлисларимиз рсмий сайтдаги тегишли саҳифага мана бу ҳавола орқали ўтиб, чегирмалардан фойдаланишлари мумкин. Агар яқинларингиздан кимдир айни дамда шу мамлакатда бўлса – бу янгиликни уларга етказиб қўйсангиз ҳам бўлади.

ЎҚИНГ: ТОП-6: энг кўп сотилган Android-смартфонлар (2020 йил 1-чорак)

Сайтимизнинг энг чиройли расмларини Инстаграмдаги саҳифамизда томоша қилинг!