Samsung тез орада One UI 5.0 синовини бошлайди
Google ўзининг Android 13 операцион тизимининг тест жараёнларини шу йилнинг феврал ойида бошлаб юборган эди. Эндиликда маълум бўлишича, Жанубий Кореянинг Samsung компанияси ҳам ўз смартфонлари учун "яшил роботча"нинг янги авлодига асосланган One UI 5.0 қобиғи синовини тез орада бошлаши мумкин.
Хабарларга кўра, Samsung яқинлашиб келаётган ёз фасли ўрталарида, катта эҳтимол билан июл ойидан бошлаб One UI 5.0 янгилашини тест қилишни бошлайди. Бунда компания Android 13 га асосланган янгиланишни оммавий синаш учун фойдаланувчиларга уни юклаб олиш ва ўрнатиш имконини беради.
Samsung ўтган йили Android 12 га асосланган One UI 4.0 янгиланиши июл ойидан тест қилишни, ноябр ойидан бошлаб эса ўзининг Galaxy қурилмаларига тарқатишни бошлаган эди. Таҳминларга кўра, компания бу йилда ҳам Android 13 янгиланишини шу йил охирида ёки режалар ўзгарадиган бўлса келаси йил бошида ўз Галахй смартфонларига юборишни бошлайди.
