Samsung хавфсизлик дисплейига эга илк “Samsung Safety Truck”ни эълон қилди

Samsung хавфсизлик дисплейига эга илк “Samsung Safety Truck”ни эълон қилди

Samsung Electronics’нинг Аргентина бўлинмаси раҳбари Санг Жик Ли олдинги ҳафта йирик юк машиналари учун юқори юқори пиксель сиғимига эга хавфсизликни таъминловчи дисплейнинг илк намунасини синовдан ўтказаётганини расман эълон қилди. Юк автомобили прицепининг орқа томонидан жой оладиган дисплей орқадан келаётган автомобилларга олдиндаги ҳолатни кўриш имконини беради.

Бу технология бир йўлли шосселарда юк машинасини таъқиб қилаётган автомобиллар ҳайдовчиларига уни қачон айланиб ўтиш мумкинлигини аниқлашлари, шу орқали бахтсиз йўл ҳодисаларининг олдини олиш мақсадида татбиқ қилинмоқда.

Samsung Safety Truck хавфсиз юк автомобилининг олдинги қисмида йўлни тасвирга олиб, орқа дисплейларга етказиб берувчи камера ўрнатилган.

46 дюймли LED дисплейнинг пиксель сиғими 1080p бўлиб, орқадаги автомобиллар унинг ёрдамида тунда ҳам олдиндаги вазиятдан хабардор бўлиб, тўғри қарор чиқаришлари мумкин.

Samsung компаниясининг қайд этишича, Халқаро электротехника комиссия сертификатига эга дисплей табиий шароитларга, хусусан чанг ва сув таъсирларига бардошли бўлиб, ҳар қандай шароитда ҳам тасвирни аниқ-тиниқ узатиш қобилиятига эга. Бу каби дисплейлардан бугунги кунда ташқи реклама мониторлари сифатида фойдаланиб келинмоқда.

Лойиҳа 2015 йилнинг июнь ойидан Аргентинанинг йўл хавфсизлигини таъминлаш муассасалари билан бирга Volvo компаниясининг юк машиналарида синаб кўрилмоқда ва қачон тўла амалга оширилиши аниқ эмас. Компания айни кунларда ҳамкор автомобиль ишлаб чиқарувчилари билан келишувлар олиб бормоқда.

Бу ғоя аслида Samsung ва Чикагонинг Leo Burnett халқаро реклама компаниясининг қўшма ғояси бўлган. Компания бу орқали йўл хавфсизлигини таъминлашда ижобий бурилиш ясашга умид қилмоқда.

Сайт янгиликларидан доимий хабардор бўлиш учун Телеграм каналимизга қўшилинг!