Samsung янги букланувчи смартфон ишлаб чиқариши мумкин

Samsung янги букланувчи смартфон ишлаб чиқариши мумкин

Ҳаммага маълумки, Samsung компанияси Z Fold ва Z Flip букланувчи смартфонларини ишлаб чиқаради. Бу йил компания ушбу қурилмаларнинг тўртинчи авлодини тақдим этиши кутилмоқда. 

Galaxy Club манбасининг берган маълумотларга кўра, компания учинчи турдаги букланувчи смартфонни ишлаб чиқариши мумкин. 

Манба смартфонларнинг B4, Q4 ва N4 код номларига кўра ушбу хабарни бермоқда. Ўтган йилги Z Fold3 моделининг код номи B3, Z Flip3 моделиники эса Q3 эди. Бундан кўриниб турибдики, N4 бошқа бир букламафоннинг код номи ҳисобланади. 

Манба, шунингдек, янги букламафон қолган икки модель каби катта ҳажмда ишлаб чиқарилмаслигини таъкидламоқда. Бир неча йилдан буён Samsung томонидан турли хил форм-факторидаги букланувчи смартфонлар патетланган. N4 код номидаги букламафон ҳам ўзгача дизайнида бўлиши ва чекланган миқдорда ишлаб чиқарилиши кутилмоқда. 

ЎҚИНГ: Android 12 қабул қилган Galaxy смартфонлари 

Сайтимизнинг энг чиройли расмларини Инстаграмдаги саҳифамизда томоша қилинг!