Samsung’нинг буюк ёлғони: декабрда чиқаётган Galaxy S10 Lite – умуман янги смартфон эмас экан!
Етакчи смартфонсоз бу йилги флагман смартфонлари туркумининг арзонлаштирилган версияси – Galaxy S10 Lite моделини тайёрламоқда. АҚШнинг Алоқа федерал комиссияси (Federal Communications Commission, FCC) маълумотлар базасида пайдо бўлганига қараганда, уни декабрдаёқ намойиш этиб, сотувга ҳам чиқаришади.
ЎҚИНГ: S10/S10+ "Lite"ми, S10 Lite "Lite"ми?
Ҳиндистонлик таниқли инсайдер Судҳаншу Амбҳоре (Sudhanshu Ambhore) эса бу моделнинг умуман янги смартфон эмаслигини даъво қилмоқда. Унинг ўз манбаларига таяниб хабар беришича, Galaxy S10 Lite дегани – ўрта нархли смартфонлар туркумидаги илк 5G-флагмани – Galaxy A90 5G (уни яна Galaxy A90s деб ҳам аташади) русумли қурилмасининг айнан ўзидир. Компания шунчаки ребрендинг қилиб – битта смартфонни айрим бозорлар учун янги номда чиқармоқчи, холос!
Таъкидлаш керакки, Galaxy A90 5G модели оддий Snapdragon 855 процессори ҳамда бешинчи авлод уяли алоқа тармоғида ишлаш учун алоҳида модем билан таъминланган. Унинг ребрендинг қилингани – Galaxy S10 Lite смартфони 128 ГБлик ички хотирага эга бўлиб, оқ ва қора корпусларда чиқарилиши айтилмоқда.
ЎҚИНГ: Samsung учта арзонлаштирилган смартфонини эртароқ чиқаряпти
