Shazam'да сиз кутган янгилик
Тунги режим ёки қора фон ҳозирда кенг оммалашмоқда. Android 10 ҳамда кўплаб оммабоп иловалар, жумладан, Instagram ва Tasker'ларнинг ҳам қора фонли версияси тақдим қилиб бўлинган. Энди мана шу иловалар қаторига Shazam'ни ҳам киритиш мумкин.
Аслида, қора фонсиз ҳам Shazam'нинг интерфейси кўзга ноқулайлик туғдирадиган даражада ёруғ эмас эди, лекин барибир, дастур яратувчиларининг меҳнатини қадрлаймиз.
Shazam'нинг чиққанига анча бўлган. Аниқроқ қилиб айтганда, илова Android'дан ҳам олдин тақдим қилинган. Илова жорий интерфейсининг асосий ойнаси кўк рангда, лекин тунги режим ёқилганда тўқ кулранг ёки қора рангга айланади. Бу қоронғу жойда, айниқса, кўзга қулай.
Юқоридаги тасвирлардан қора фонни, қуйидаги скриншотдан эса одатий фонни кўришингиз мумкин.
Қора фонни ёқиш учун смартфонингиз Android 10'да ишлаши шарт эмас — илова созламалари орқали ушбу режимни фаоллаштиришингиз мумкин. Android 10'да эса бутун тизим қайси фонда бўлса, илова интерфейси ҳам автоматик ушбу фонга ўтади. Лекин бу сизга ёқмаса, автоматик мослашувни ўчириб қўйсангиз ҳам бўлади.
Агар Shazam сизда ҳали ҳам бўлмаса, иловани Android учун бу ердан юклаб олишингиз мумкин.
ЎҚИНГ: Ким етакчи - App Store ёки Play Market?! Энг кўп юкланган иловалар қайсилар?
