Snapdragon 4 Gen1 чипи билан жиҳозланган илк смартфон тақдим этилди
iQOO Z6 Lite модели Snapdragon 4 Gen1 чипи билан жиҳозланган дунёдаги илк смартфон бўлди. 6 нанометрли жараён асосида яратилган ушбу чипсетнинг максимал ишлаш тезлиги 2 гигагертсни ташкил қилади.
У эски Snapdragon 400 серияли чипларга қараганда 18% юқори CPU ишлаш тезлигини таклиф қилади. Чип, шунингдек, 5G тармоғини қўллаб-қувватлайди.
iQOO Z6 Lite барқарор ишлаш учун унга графит плёнка, иссиқлик ўтказувчан гел, мис фольга, ҳарорат сенсори ҳамда тўрт компонентли совутиш тизими ўрнатилган.
Смартфон 1080х2408p резолюциядаги 6.58 дюймли LCD дисплейи билан жиҳозланган бўлиб, у 120 гертс янгиланиш частотаси ҳамда 240 гертс сенсорли намуна олиш частотасини қўллаб-қувватлайди. Қурилмадаги 5,000 мАс сиғимли аккумулятор 18 ваттга қувват олади.
Орқа панелда 50МП асосий ҳамда 2МП макро камералар жойлашган бўлса, олд панелдан 8МП селфи камера ўрин олган. Қурилма қора ва кўк рангларда тақдим этилди. Унинг нархи қуйидагича:
4/64ГБ - 175 доллар
6/128ГБ - 195 доллар.
