Snapdragon 675 давомчиси бўлган SD678 тақдим қилинди
2018 йилда тақдим қилинган ўта оммабоп Snapdragon 675 чипининг энди янги талқини бор. Бугун Qualcomm компанияси Snapdragon 678 чипини тақдим қилди.
Ушбу ўрта тоифа чипсети қувват сарфини оширмаган ҳолда яхшироқ фотолар олади ва оширилган алоқа хусусиятларига эга.
SD678 чипсети 11 нанометрли LLP жараёни асосига қурилган бўлиб, кўп жиҳатдан Snapdragon 675'га ўхшаш. Икки платформа ўртасидаги ягона фарқ CPU ядролари частотасида: SD678'нинг Cortex A76 ядроси 2.2 ГГц гача бўлган частотада ишласа, SD675'ники 2.0 ГГц гача частотада ишлайди. График процессори эса ўзгармаган — Adreno 612. Бироқ Qualcomm чип унумдорлиги ошишини ваъда қилмоқда.
Платформаларнинг қолган жиҳатлари ҳам бир хил: Spectra 250L ISP, Snapdragon X12 LTE Modem ва Hexagon 685 DSP'лар шулар жумласидан.
Snapdragon 678 2520х1080 пиксел резолюцияли экранга эга, 10-битли рангларни кўрсатувчи; 48МП асосий, 16МП селфи камерали; HEVC кодекида сониясига 30 та кадрли 4К видеолар олувчи смартфонларни қўллаб-қувватлайди.
ЎҚИНГ: Энг қудратли флагманлар ўнталиги (AnTuTu рейтинги, 2020 йил ноябрь)
