Dimensity 1080 учун ашаддий рақиб: Snapdragon 782G тақдим қилинди!
Флагман Android смартфонлар учун ўзининг Snapdragon 8 Gen 2 чипсетини тақдим қилганидан икки ҳафта ўтиб, Qualcomm ортиқча дабдабаларсиз Snapdragon 782G ўрта-флагман чипини ҳам чиқарди. Snapdragon 778G+ ўрнини эгаллайдиган ушбу янги модел 200 МП камера билан суратга олишни қўллаб-қувватлайди ва у MediaTek'нинг Dimensity 1080 чипи учун муносиб рақобатчи бўла олади.
Гарчи ҳали ҳам 6 нанометрлик TSMC процессори устига қурилган ўша-ўша CPU ва GPU'га эга бўлса ҳам, Snapdragon 782G чипсети ишлаши аввалгиси билан солиштирганда 2,5 гигагерцдан 2,7 гигагерцгача ошган, шу билан бирга, GPU ҳам 10 фоизга тезлашган ва энди у 16 ГБ гача LPDDR5 RAM ва UFS 3.1 хотирасини қўллаб-қувватлайди. Янги чипсет Full HD+ экранларда 144 герц частотада, 4К экранларда эса 60 герц частотада ишлайди. Камераларга тўхталадиган бўлсак, 200 МП сенсор билан суратга олишдан ташқари чипсет билан HDR билан 4К форматида, қолаверса, 720p форматда эса 240 фпс билан видеолар олиш мумкин.
Чипсетга интеграциялаштирилган Snapdragon Х53 модеми ҳам mmWave ва ҳам sub-6GHz 5G тармоқларини қўллаб-қувватлайди ёхуд у максимал 3,7 Гбит/с гача чиқа оладиган юклаб олиш тезлиги ва 1,6 Гбит/с гача юклаш тезлигини таклиф қилади. Шунингдек, чипсет Wi-Fi 6/6E технологияларини қўллаб-қувватлайди.
Snapdragon 782G билан жиҳозланган энг биринчи смартфон Ҳонор 80 бўлди.
ЎҚИНГ: Snapdragon 8 Gen 2 билан чиқариладиган смартфонлар билан рўйхати билан танишамиз
