Sylvania Smart Multicolor A19 – Siri орқали бошқариладиган лампа
Ledvance компанияси Apple HomeKit платформасини қўллаб-қувватлайдиган Sylvania Smart Multicolor A19 номли ақлли лампани яратди. Лампани Siri овозли ассистенти ёки Apple Home иловаси ёрдамида бошқариш мумкин, деб хабар бермоқда IXBT сайти. Ишлаб чиқарувчининг таъкидлашича, ушбу функциялардан фойдаланиш учун лампага HomeKit концентраторини ўрнатиш талаб этилмайди.
Bluetooth интерфейси билан жиҳозланган лампани ишлатиш учун уни исталган чироққа ўрнатиш ва Home иловаси билан синхронлаш кифоя. Шунингдек, лампани ақлли уйнинг бошқа компонентлари билан боғлаш мумкин.
Sylvania Smart Multicolor A19 сотуви 2017 йилнинг биринчи чорагида бошланади. Ledvance келгуси йил давомида бундай лампа турларини кўпайтиришни режалаштирган.
