«Тажовузкор» нархли Redmi Note 10 ҳамда Note 10 Pro: тақдимот куни, ранглари ва техник хусусиятлари
Xiaomi корпорацияси кўпдан бери кутилаётган Redmi Note 10 русумли смартфонини ва унинг «Про»-версиясини Ҳиндистонда нмойиш этмоқчи. Ишончли инсайдер Ишан Агарвал (Ishan Agarwal) ва 91mobiles нашри уларнинг айрим хусусиятларини эълон қилди.
ЎҚИНГ: Redmi Note 10 хусусиятлари ва «жонли» расмларини TENAA фош этди!
Сўнгги маълумотларга кўра, Redmi Note 10 ва Redmi Note 10 Pro моделларининг расмий намойиши 7 февраль куни бўлиб ўтади. 91mobiles нашри ҳатто базавий моделнинг нархигача ёзган – 16 999 рупий, яъни тахминан 233 АҚШ доллари.
Ушбу фаблетлар 700-сериядаги Qualcomm Snapdragon процессори билан чиқарилади; катта эҳтимол билан, бу Snapdragon 750G моделидир. Лекин уларнинг бешинчи авлод уяли алоқа тармоғини қўлламайдиган версияси ҳам бўлиши кутилмоқда.
ЎҚИНГ: Redmi Note 10 Pro 4G ҳам тайёр: унинг нимаси Galaxy Note 20 Ultra’дан олинган?
Redmi Note 10 туркуми диагоналига 6,67 дюймлик, янгиланиш частотаси юқори бўлган IPS-дисплей билан таъминланади. Квадрокамеранинг асосий датчиги 64 мегапикселлик, аккумуляторлари эса 5000-6000 мА/соатлик бўлиб, тезкор қуввтланади. Базавий модел оқ, яшил ва кул ранг корпусларда бозорга чиқарилади.
Exclusive:
— Ishan Agarwal (@ishanagarwal24) January 20, 2021
Redmi Note 10 Series (Grey, White & Green color options for Note 10) is expected to launch in India in February! We are expecting aggressive price this time with better specs this time.
What are you expecting? :)
Please Link & Credit:https://t.co/v0jpmTQk8J
Xiaomi мазкур қурилмаларини Android 11 сосидаги MIUI 12 график қобиғи билан тақдим қилади. Уларнинг қанчадан сотилиши аниқ эмас; лекин, Ишан Аргавалнинг ёзишича, компания бу моделларига «тажовузкор даражада арзон» нарх белгилайди. Зеро, асосий рақиби – Realme компанияси Ҳиндистон смартфон бозорида Redmi брендига етай деб қолган.
Дарвоқе, ушбу туркумнинг бошқача – Redmi Note X номи билан чиқариши ҳақида ҳам хабарлар тарқалган.
ЎҚИНГ: ТОП-10: Энг равон ишловчи смартфонлар (Master Lu рейтинги, 2020 йил)