Талабага керак бўлган 9 бепул илова
Муштарийларимиз тоифасини аниқлаш мақсадида сайтимизнинг Telegram каналида яқинда сўровнома ўтказган эдик. Унда иштирок этган 3521 нафар респондентнинг 27 фоизи ўзининг талаба эканлигини таъкидлаб овоз берган. Мана шу натижадан келиб чиққан ҳолда, қуйида талабалар учун мўлжалланган мақолалар туркумининг илк постини тақдим этамиз. Биз сизга мос бўлиш ҳаракатидамиз!
Талаба экансиз, демак, мавжуд барча сифатли электрон воситалардан имкон қадар кўпроқ фойда олишга интилишингиз керак. Бугунги кунда энг яхши таълимий воситалар кафтингизда мужассам. Фақат уларни аниқлай билиш керак.
Қуйида талабаларга мўлжалланган энг яхши бепул иловалар рўйхатини келтириб ўтамиз.
1. Any.do
Any.do вазифаларингизни тартибли ташкиллаштириш, қиладиган ишларингиз рўйхатини шакллантириш ва тақвимингизни барча қурилмаларингизда синхронлаштириш имконини беради. Ушбу илова ўқиш, оила ва иш борасидаги масъулиятларини мувозанатда ушлаб туриши муҳим бўлган талабалар учун айни муддао.
Вазифаларни яратиш учун овозли автоматизациядан фойдаланиш, яратилган вазифаларнинг муҳимлик даражасини белгилаш ва бажариб бўлинганларининг барчасини рўйхатдан олиб ташлаш учун телефонни силкитиш кабилар илованинг энг яхши функциялари ҳисобланади.
•Android учун юклаш
•iOS учун юклаш
•Онлайн фойдаланиш
2. Dropbox
Бу иловадан кўпчилик хабардор бўлса керак, албатта. Унинг фойдаланувчилари сони ҳам талайгина эканлигига шубҳа йўқ. Dropbox шахсий компьютерларда ҳужжатларни булутли улашиш технологиясини тубдан ўзгартирди ва барча ажойиб функцияларни мобил иловасига ҳам жорий этди. Иловани смартфон ёки планшетингизга ҳам ўрнатиб олишингиз мумкин.
Dropbox дунёнинг исталган нуқтасидан исталган вақтда Dropbox аккаунтингизга сақланган ҳужжатларга уланиш имконини беради. Бу уйга вазифа/топшириқларни бажаришда турли ҳудуд ёки қурилмадан фойдаланишга тўғри келганда, айниқса, қўл келади. Худди шундай, жамоавий лойиҳалар устида ишланаётганда ҳам илова анча қулай восита бўлиб хизмат қилади.
Dropbox'нинг ўзига хослиги шундаки, исталган қурилмангиздан кириб, маълум ҳужжатнинг янги нусхасини булутли аккаунтингизга сақлаб қўйсангиз, ўша янги файлни ҳар қайси қурилмангиз билан кўра оласиз.
•Android учун юклаш
•iOS учун юклаш
•Компьютер учун юклаш
3. OFFICE LENS
Босма ёки доскадаги матнларни таҳрирласа бўладиган электрон матнга айлантиришга ҳеч бир эҳтиёж сезганмисиз? Microsoft'нинг Office Lens иловаси айнан ман шундай вазифа учун яратилган.
Матнни суратга тушриганингиздан сўнг, уни Microsoft Word, PDF ёки PowerPoint файлига айлантиришингиз ва уни таҳрирлаб, сақалб олишингиз мумкин бўлади. Доскадан матн кўчириб ўтириш даври ўтди!
•Android учун юклаш
•iOS учун юклаш
4. Dictionary.com
Тил ўрганиш оммалашган айни даврда энг яхши бепул инглизча луғатлардан Dictionary.com сизга қўл келади. Иловадан офлайн фойдаланишингиз, "Кун сўзи" (Word of the Day) орқали сўз бойлигингизни кундлик равишда бойитиб боришингиз ёки ёзма ишингизда бир сўзни қайта-қайта такрорлашдан қочиш учун Тезаурус функцияси орқали синонимларни қўллашингиз мумкин.
•Android учун юклаш
•iOS учун юклаш
•Онлайн фойдаланиш
5. FOREST
Дарс қилаётган пайтда телефонга чалғиб кетадиганлар учун Forest энг мақъбул ва ажойин дизайнга эга иловадир. Илова нима иш қилади? Ҳар сафар дарс қилишга ўтирганингизда, телефонингини дарс пайтида ўйнаб қўймаслик учун Forest иловасини очиб, кичик ниҳол ўтқазасиз (экасиз). Ниҳол ярим соат ичида дарахтга айланади, агар 30 дақиқалик муддат тугамасдан, телефонингзни ўйнаш учун иловадан чиқишга уринсангиз, нозик ниҳол сўлиб қолади! Бу, қайсидир маънода, табиатга бўлган меҳрингиз ошишга ҳам хизмат қилади.
•Android учун юклаш
•iOS учун юклаш (афсуски, илованинг iOS талқини 1.99 доллар туради)
6. CRAM
Cram фойдалнишга қулай флешкарточка иловаси бўлиб, имтиҳонларга тайёргарлик кўришингизда ёрдамчи бўлади. Флешкарточалар тўпламини сайтдан тайёр юклаб олишингиз ёки ўзингиз яратишингиз мумкин. Иловада Эслаш ва Карта ўқув режими бор. Бундан ташқари, мавзуларни ўта тез ўзлаштириш учун Тезкор ўрганиш опцияси ҳам мавжуд.
•Android учун юклаш
•iOS учун юклаш
•Онлайн фойдаланиш
7. REALCALC SCIENTIFIC CALCULATOR
Математика, инжинеринг ёки мураккаб ҳисоб-китоб талаб қилинадиган бошқа соҳа талабасимисиз? Сизга Realcalc Scientific Calculator иловаси қўл келади. Калькуляторда бажарилган амаллар тарихи ва физик константалар рўйхати мавжуд.
•Android учун юклаш
•iOS муқобили (CalcMadeEasy) ни юклаш
8. MINT
Талабаларнинг кўпчилиги маблағларини тўғри тақсимлашга қийналишади. Mint эса бу борада сизга ёрдам беради.
•Android учун юклаш
•iOS учун юклаш
•Онлайн фойдаланиш
9. EVERNOTE
Evernote билан қайдномалар ёзиб олишингиз; қиладиган ишлар рўйхатини яратишингиз; мақола, ҳужжат ва расмларингизни тўғри ташкиллаштиришингиз ва буларнинг барчасини дўстлар билан улашишингиз мумкин. Бу, ҳақиқатан, ҳаммаси битта жойда жамланган илова саналади.
•Android учун юклаш
•iOS учун юклаш
•Компьютер учун юклаш
ЎҚИНГ: Ўзбекистон ҳатто Google, Яндекс, AliExpress ва Netflix’га ҳам солиқ солмоқчи!
