Таъмирланган смартфонлар бозорининг қироли ким?
Таъмирланган смартфонларнинг жаҳон бозори 2020 йилнинг иккинчи ярмида аксарият минтақаларда ўсишни кўрсатди. Ушбу ўсиш 2020 йилнинг биринчи ярмидаги пасайишни қоплаган ва умумий ўсиш 2019 йилга нисбатан 4 фоизни ташкил этди. Бу маълумотларни Counterpoint таҳлилчилари келтиришмоқда ва бу йил ўсиш янада катта бўлишини кутишмоқда.
ЎҚИНГ: Қайси iPhone'лар энг кўп сотиляпти?
2020 йил биринчи ярмида бозор ўсиши, асосан, COVID-19 туфайли кескин пасайиб кетди, аммо йилнинг иккинчи ярмида таъмирланган смартфонларга бозорда талаб ва таклиф ошди. Бозорлар очилганда, барча минтақаларда сотувлар 2019 йилнинг шу даврига нисбатан кўтарилди.
Таҳлилчиларнинг таъкидлашича, таъмирланган смартфонлар бозорида Apple маҳсулотларига талаб катта. Ўтган йилнинг иккинчи ярмида Apple'нинг янги смартфонлар жаҳон бозоридаги улуши 13 фоиздан сал кўпроқ, иккиламчи бозорда эса 44 фоиздан ошиқ бўлди. Бундан ташқари, ушбу бозорда Apple смартфонларининг ўртача сотиш нархи рақобатчиларнинг ўртача нархидан деярли уч баравар юқори. Бу Apple компаниясининг фойдаланувчи базасини кўпайтиришга ёрдам беради, дейди таҳлилчилар, боиси ишлатилган ва қайта ишланган қурилмалар харидорлари биринчи марта iPhone сотиб олишмоқда.
ЎҚИНГ: Xiaomi энди Apple'ни ҳам ортда қолдириб, Samsung'га рахна солмоқда
