Ташқи ишлар вазирлигида фуқаролар мурожаатларини тезда қабул қиладиган "call-center" фаолият бошлади
Фуқаролар билан ишлашни мукаммаллаштириш, уларга тезкор ва ҳар томонлама кўмак кўрсатиш мақсадида Ўзбекистон Республикаси Ташқи ишлар вазирлиги "call-center" ягона қисқа телефон рақамини ишга туширди.
1164 рақами 20 та каналга эга. +998-71-233-69-46 шаҳар рақами орқали ҳам телефон қилиш мумкин.
"Сall-center" ҳар куни соат 9.00 дан 18.00 гача ишлайди.
Яқин вақтларда хориждан қўнғироқ қилиш учун махсус рақам ўрнатиш режалаштирилган бўлиб, у туну кун ишлаши кутилмоқда.